بۇگىن سەمەي قالاسىندا "قازاتومونەركاسىپ" كومپانياسىنىڭ بۇرىنعى جەتەكشىسى مۇحتار جاكىشيەۆكە قاتىستى سوت وتىرىسى باستالدى.

وندا جاكىشيەۆتىڭ مەرزىمىنەن بۇرىن شارتى مەرزىمگە بوساتۋ تۋرالى ءوتىنىشى قاراستىرىلۋدا.

ول 2009 جىلى مامىردا ۇستالعان سوڭ سىبايلاس جەمقورلىق قىلمىسىن جاسادى دەپ ايىپتالىپ، 14 جىلعا سوتتالعان. ول جازاسىن وتەۋگە الدىمەن الماتى وبلىسىنداعى زارەچنىي كەنتىندەگى تۇرمەگە جىبەرىلگەن، كەيىن قاراعاندى وبلىسىنىڭ دولينكا كەنتىندەگى قاتاڭ رەجيمدەگى اك-159/6 كولونياسىندا بولدى. 2015 جىلى تۋىستارى، ادۆوكاتى مەن قۇقىق قورعاۋشىلاردىڭ ءوتىنىشىنىڭ ارقاسىندا ول دولينكادان قايتا زارەچنىيعا جىبەرىلگەن. ءبىراق 2017 جىلى ۇقك-نىڭ بۇرىنعى ءتوراعاسى نارتاي دۇتبايەۆتىڭ ىسىنە قاتىستى تەرگەۋ ىسىنە قاتىسۋ ءۇشىن استانا قالاسىنىڭ يزولياتورىنا ەتاپپەن جىبەرىلگەن. تەرگەۋ ءىسى اياقتالعان سوڭ مامىر ايىندا دولينكاعا، ال شىلدە ايىنان بەرى سەمەي قالاسىنداعى قاتاڭ رەجيمدەگى كولونيادا جازاسىن وتەپ جاتىر.

♦"5 ساعاتتىق قويىلىم": سۋديا مۇحتار جاكىشيەۆتى مەرزىمىنەن بۇرىن بوساتۋدان باس تارتتى

ەسكە سالا كەتسەك، «قازاتومپروم» ەكس-باسشىسىنىڭ ادۆوكاتى نۇرلان بەيسەكەيەۆ سوڭعى مەديسينالىق تەكسەرىلۋدەن سوڭ ونىڭ باس مي جۇيەسىندە اقاۋ بار ەكەنى انىقتالعانىن ايتقان بولاتىن.  كەيىن بىلتىرعى جىلدىڭ 17 شىلدەسىندە جاكىشوۆتى قاراعاندى وبلىسىنداعى كولونيادان شقو-وبلىسى سەمەي قالاسىنداعى قاتاڭ رەجيمدى كولونياعا اۋىستىردى. وسىنىڭ سەبەبىنەن مۇحتار جاكىشيەۆتىڭ دەنساۋلىعى تاعى دا ناشارلاي ءتۇستى.

ال جازدا ونىڭ جاعدايى مۇلدەم اسقىنا باستادى. جاكىشيەۆ ءۇشىنشى توپتاعى مۇگەدەك قاتارىنا قوسىلىپ، جۇمىس جاساۋ قابىلەتىنىڭ 50 پايىزىنان ايىرىلدى. سونىمەن بىرگە مۇحتار جاكىشيەۆتىڭ جوعارى قان قىسىمنىڭ كەسىرىنەن كوزدىڭ ىشكى تور قابىعى جارىلىپ كەتكەن. كۇز  مەزگىلىندە قاراعاندى قالاسىندا جاكىشيەۆتىڭ كوزىنە وپەراسيا جاسالدى. 

♦مۇحتار جاكىشيەۆ: "سىبىرلاپ ايتىلعان شىندىق قاتتى ءارى جاڭعىرىپ ەستىلەدى"

قىركۇيەك ايىندا مۇحتار جاكىشيەۆتىڭ اناسى قاتتى سىرقاتتانىپ قالدى. جاكىشيەۆ ءحال ۇستىندە جاتقان ناۋقاس اناسىمەن كەزدەسۋىنە رۇقسات بەرۋىن سۇراپ، ءوتىنىش جازدى. 18 قىركۇيەكتە مۇحتار جاكىشيەۆتىڭ اناسى قايتىس بولدى. كەيىن قارالى حاباردى ەستىگەن مۇحتار جاكىشيەۆ اناسىن سوڭعى ساپارعا شىعارىپ سالۋدى سۇراپ، ءوتىنىش جازدى. ءبىراق وعان مۇنداي مۇمكىندىك بەرىلمەدى. 

مەملەكەت باسشىسى قاسىم-جومارت توقايەۆ جاكىشيەۆتىڭ سوتىنا قاتىستى دا پىكىر بىلدىرگەن ەدى. 

"مۇحتار جاكىشيەۆتىڭ ماسەلەسى تەك سوتتىڭ قۇزىرەتىنە جاتادى. ارينە، جاكىشيەۆتىڭ دەنساۋلىعىنا بايلانىستى شارتتى تۇردە مەرزىمىنەن بوساتۋدى سۇراعانىنان حاباردارمىن. 3 ناۋرىزدا سوت وتىرىسى وتەدى. سوت شەشىمىن كۇتەمىز. سوتتىڭ ءادىل شەشىم شىعاراتىنىنا سەنىمدىمىن" دەدى توقايەۆ.