– بۇكىل مەملەكەتتىك اپپارات جۇمىس رەتىن تۇبەگەيلى وزگەرتىپ، قالىپتى جۇمىستان الىستاۋى كەرەك. مۇنداي قيىن جاعدايدا مەملەكەتتىك باسقارۋ تۇبەگەيلى وزگەرتىلۋگە ءتيىس. ءبىز جاۋاپكەرشىلىكتى سەزىنىپ، باتىل جانە ءتيىمدى شەشىمدەر قابىلداۋعا ءتيىسپىز، – دەدى توقايەۆ.

بۇدان ءارى مەملەكەت باسشىسى ۇكىمەت مۇشەلەرى مەن اكىمدەرگە باسقاشا رەجيمدە جۇمىس ىستەيتىن كەز كەلگەنىن، ءتىپتى بۇنداي جاعدايدا سالعىرتتىق تانىتقاندار ورىندارىن بوساتۋى كەرەك ەكەنىن ەسكەرتتى.

– وسىلايشا، مەملەكەتتىك ورگانداردا تۋىنداعان كەز كەلگەن ماسەلەلەردى – بيۋدجەت پروسەسىندە، باعانى رەتتەۋ، مەملەكەتتىك ساتىپ الۋلار، جەڭىلدىكتەر بەرۋ جانە ت.ب. ماسەلەلەردى شەشۋگە بارلىق مۇمكىندىك بار. مەن ۇكىمەتتىڭ ءار مۇشەسىنە، اكىمدەرگە ايتقىم كەلەتىنى – باسقاشا رەجيىمدە جۇمىس ىستەيتىن كەز كەلدى. ماسەلەنىڭ ماڭىزىن تۇسىنبەيتىندەر جانە «ەشتەڭە بولىپ قالماسا بولدى» دەپ ارەكەت ەتەتىندەر ورىندارىن بوساتسىن، سەبەبى بۇلاي ءبىز بۇل كۇرەستە جەڭە المايمىز، – دەدى پرەزيدەنت.