قازاقستاندا كوروناۆيرۋس جۇقتىرعان ادام قايتىس بولدى. بۇل تۋرالى اقپارات جانە قوعامدىق دامۋ ءمينيسترى داۋرەن ابايەۆ حابارلادى.
– قۇرمەتتى وتانداستار، بۇل شۇعىل بريفينگ. وكىنىشكە قاراي، قازاقستان ازاماتى كوروناۆيرۋستان قايتىس بولدى. جاقىندارى مەن تۋىستارىنا شىن كوڭىلدەن قايعىرىپ كوڭىل ايتامىز. بۇل ورنى تولماس قازا، بارلىعىمىز اۋىر قايعىدامىز. ەرتەڭ نۇر-سۇلتان قالالىق دەنساۋلىق ساقتاۋ باسقارماسى مەديسينالىق مالىمەتتەردى قوسىپ، تولىق مالىمەت بەرەدى. بۇل جاعداي كوروناۆيرۋستىڭ ءقاۋپىن تاعى دا ەسكەرتىپ وتىر. ءقازىر بولىپ جاتقاننىڭ ءبارى بارلىعىمىزعا سىن، – دەدى داۋرەن ابايەۆ "حابار 24" ارناسىنىڭ ەفيرىندە.
تاعى وقىڭىز:
پىكىر قالدىرۋ