جامبىل وبلىسىنداعى شۋ قالاسىن كارانتينگە جابۋ تۋرالى الەۋمەتتىك جەلىدە جالعان اقپارات تاراتقان ايەل ءۇش جىلدان جەتى جىلعا دەيىن كولونياعا جابىلۋى مۇمكىن، دەپ حابارلايدى Qamshy.kz اقپارات اگەنتتىگى Polisia.kz دەرەگىنە سۇيەنىپ.
رەسمي دەرەككوز 34 جاستاعى شۋ قالاسى تۇرعىنىنىنىڭ جالعان اقپارات تاراتتى دەگەن كۇدىكپەن ۇستالعانىن حابارلاعان.
"ۇستالعان ادام الەۋمەتتىك جەلىلەردە جالعان حابارلاما جىبەرىپ، ءوزىنىڭ قاتەلىگىن مويىندادى. قىلمىستىق كودەكستىڭ 274-بابى 4-بولىگىنىڭ توتەنشە جاعداي كەزىندە جالعان اقپارات تاراتۋ 2-تارماعى بويىنشا سوتقا دەيىنگى تەرگەۋ ءجۇرىپ جاتىر. وسى باپ بويىنشا ءۇش جىلدان جەتى جىلعا دەيىن باس بوستاندىعىنان ايىرۋ قاراستىرىلعان"، - دەپ حابارلادى جامبىل وبلىسىنىڭ پوليسيا دەپارتەمەنتى.
