قامشى ءتىلشىسىنىڭ ماتەريالىندا 42500 تەڭگە مولشەرىندەگى الەۋمەتتىك تولەمدى الۋعا ءوتىنىم جىبەرۋ جولدارىنىڭ ءار قادامى تۇسىندىرىلەدى.

بۇگىندە ءوتىنىمدى egov.kz جانە 42500.enbek.kz سايتتارى ارقىلى جىبەرۋگە بولادى.

ج ش س (توو) جەتەكشىلەرى، جەكە كاسىپكەر (يپ) نەمەسە جەكە كاسىپكەر جۇمىسشىلارى، ءوزىن-وزى جۇمىسپەن قامتۋشىلار (تاكسيست، داياشى، فريلانسەر، قۇرىلىسشى، دانەكەرلەۋشى، ساۋداگەر، جۇك تاسۋشى جانە ت.ب.) ءوتىنىمدى ەgov.kz پورتالى ارقىلى جىبەرۋى كەرەك.

ج ش س مەن اكسيونەرلىك قوعام قىزمەتكەرى جانە زاڭدى تۇلعالار ءوتىنىمدى تاپسىرۋ ءۇشىن 42500.enbek.kz سايتىن قولدانۋعا ءتيىس. ءوتىنىم جاساۋ ءۇشىن جۇمىس بەرۋشىنىڭ بين نومەرىن ءبىلۋ قاجەت.

جۇمىسشى رەتىندە رەسمي تىركەلمەگەن تاكسي جۇرگىزۋشىسى، قۇرىلىسشى، كۇزەتشى سەكىلدى ءوزىن-وزى جۇمىسپەن قامتۋشىلار ءوتىنىم جىبەرمەستەن بۇرىن ءبىرىڭعاي جيىنتىق تولەمدى وتەۋى كەرەك. ونى حالىق بانك، فورتە بانك، جۋسان بانك، سبەربانك، بسك، كاسپي سەكىلدى بانكتەردىڭ موبيلدىك قوسىمشاسى ارقىلى تولەۋگە بولادى. قالالىقتار 2651 تەڭگە، اۋىل تۇرعىندارى 1325 تەڭگە تولەۋگە ءتيىس. تومەندە تۇرعىندار اراسىندا كەڭ كەزدەسەتىن kaspi.kz موبيلدىك قوسىمشاسى ارقىلى تولەۋ جولى تۇسىندىرىلگەن.

1-قادام – kaspi.kz قوسىمشاسىنداعى "پلاتەجي" باتىرماسىن باسۋ

2-قادام – "شترافى ي پلاتەجي ۆ بيۋدجەت" باتىرماسىن باسۋ

3-قادام – "وچيسلەنيە دليا ساموزانياتىح" باتىرماسىن باسۋ

4-قادام – "ەدينىي سوۆوكۋپنىي پلاتەج"" باتىرماسىن باسۋ

5-قادام – بوس ورىندى تولتىرۋ. قالا نەمەسە اۋىلدى ءبىرىڭعاي جيىنتىق تولەمدى وتەۋشى ادام قايدا تۇراتىنىنا قاراي تاڭدايدى. تولەۋ مەرزىمىنە وتكەن ايلار تاڭدالمايدى. اعىمداعى ءساۋىر ايى تاڭدالادى.

ارتىنشا "پرودولجيت" تۇيمەسىن باسىپ، تولەم جاسالادى. سوڭىندا تاعى ءبىر رەت "پرودولجيت" باتىرماسى باسىلادى.

تولەمدى سونداي-اق سمس ارقىلى قالا تۇرعىندارى لاتىن ارىپتەرىمەن «gorod ESP» دەپ قاسىنا جسن-دى جازىپ، اۋىل تۇرعىندارى «selo ESP» دەپ جانىنا جسن قوسا جازىپ 5505 نومىرىنە حابارلاما ەتىپ جىبەرۋ ارقىلى جاساسا بولادى. تولەم قۇن بىرلىكپەن الىناتىندىقتان تەلەفون نومەرىندە تولەم سوماسىنا جەتەرلىك بىرلىك بولۋعا ءتيىس.

تولەم جاسالعان سوڭ ءبىر كۇننەن كەيىن 42500 تەڭگەگە ءوتىنىم قالدىرۋعا بولادى.

ج ش س (توو) جەتەكشىلەرى، جەكە كاسىپكەر (يپ) نەمەسە جەكە كاسىپكەر جۇمىسشىلارى، ءوزىن-وزى جۇمىسپەن قامتۋشىلار (تاكسيست، داياشى، فريلانسەر، قۇرىلىسشى، دانەكەرلەۋشى، ساۋداگەر، جۇك تاسۋشى جانە ت.ب.) ءوتىنىمدى ەgov.kz پورتالى ارقىلى جىبەرۋى ءۇشىن الدىمەن google ىزدەۋ جۇيەسىنە ەgov.kz دەپ جازۋى كەرەك.

كەلەسى قادام – ىزدەۋ جۇيەسىنەن شىققان سايتقا كىرۋ.

اشىلعان تەرەزەنىڭ سول جاق ورتا تۇسىنداعى "توتەنشە جاعداي كەزىندە 42500 تەڭگە تولەۋ" باتىرماسىن باسۋ كەرەك.

اشىلعان "پورتالعا كىرۋ" تەرەزەسىندەگى "ءبىر جولعى جاسىرىن ءسوز" باتىرماسىن باسىپ، جسن مەن تەلەفون نومەردى تەرۋ قاجەت.

تەلەفونعا كەلگەن كودتى "كودتى ەنگىزىڭىز" دەگەن جەرگە تەرىپ، "جۇيەگە كىرۋ" باتىرماسىن باسۋ قاجەت.

جۇيەگە كىرگەندە قايتادان پورتالدىڭ باستى بەتى شىعادى. ارى قاراي "توتەنشە جاعداي كەزىندە 42500 تەڭگە تولەۋ" باتىرماسىن قايتا تاڭداۋ كەرەك.

مۇنان سوڭ تومەندەگىدەي تەرەزە اشىلادى. ءوزىن-وزى جۇمىسپەن قامتۋشىلار "ساموزانياتىي" دەگەن جازۋدىڭ تۇسىنداعى ءتورتبۇرىشتىڭ ءۇستىن باسۋعا ءتيىس. ارى قاراي "ادرەس ەلەكتروننوي پوچتى" دەگەن جەردەن باستاپ تولتىرىلىپ، سوڭىندا تومەنگى جاقتاعى ءتورتبۇرىش باسىلادى. "نومەر سچەتا" دەگەنگە كارتوچكا نومەرى ەمەس، كارتوچكانى اشقاندا بەرەتىن 20 سيفرلىق "KZ" دەپ باستالاتىن شوت نومەرى جازىلادى. ونى موبيلدىك قوسىمشانىڭ "رەكۆيزيتى" دەگەن تۇسىنان بىلۋگە بولادى. نەمەسە كارتوچكا اشقانداعى قۇجاتتا جازىلادى.

ءوتىنىم قابىلدانعاندا تومەندەگىدەي تەرەزە اشىلادى. جىبەرىلگەن ءوتىنىمنىڭ قارالۋ ۋاقىتى – 3 جۇمىس كۇنى.

ج ش س مەن اكسيونەرلىك قوعام قىزمەتكەرى جانە زاڭدى تۇلعالار ءوتىنىمدى تاپسىرۋ ءۇشىن 42500.enbek.kz سايتىن قولدانۋ ءۇشىن ادەتتەگى ءادىس بويىنشا google ىزدەۋ جۇيەسىنە سايت اتى – 42500.enbek.kz دەپ جازادى.

سايتقا كىرگەن سوڭ "تج-عا بايلانىستى تابىسىمنان ايىرىلعانىم سەبەپتى 42500 تەڭگەلىك جاردەماقى الۋعا ءوتىنىم" دەگەن كاتەگوريانىڭ تومەنگى تۇسىنداعى "ءوتىنىم بەرۋ" باتىرماسىن باسۋ كەرەك.

پايدا بولعان تەرەزەدەگى بوس ورىنداردى ءتيىستى دەرەكتەرمەن تولتىرىپ بولعان سوڭ "ءوتىنىم بەرۋ" باتىرماسى باسىلادى.

جۇيە تەلەفون ءنومىرىن سۇرايدى. كورسەتىلگەن نومەرگە SMS ارقىلى كود كەلگەن سوڭ، ونى ەنگىزىپ، ءوتىنىشتى جىبەرۋ عانا قالادى.

ەسكەرتە كەتەرلىك جايت، پورتالدا شامادان تىس كوپ ادام وتىرسا، پورتال جۇمىسى باياۋ ىستەۋى نەمەسە ءتىپتى قاتىپ قالۋى مۇمكىن. ورتا جولدا ءوشىپ قالۋى دا عاجاپ ەمەس.