قازاقستان پرەزيدەنتى قاسىم-جومارت توقايەۆ ەلدەگى توتەنشە جاعداي مەرزىمىن  1 مامىرعا  دەيىن ۇزارتۋعا قاۋلى ەتتى. بۇل تۋرالى بۇگىن، 14 ساۋىردە اقوردا سايتى حابارلادى. 

اقوردا سايتى جاريالاعان پرەزيدەنت قالۋلىسىندا "قازاقستان رەسپۋبليكاسىنىڭ بارلىق اۋماعىنداعى توتەنشە جاعدايدىڭ قولدانىسى 2020 جىلدىڭ 1 مامىرىنداعى 07 ساعات 00 مينۋتقا دەيىن ۇزارتىلسىن" دەلىنگەن.

قازاقستاندا كوروناۆيرۋسقا بايلانىستى 16 ناۋرىزدان بەرى توتەنشە جاعداي. العاشىندا  توتەنشە جاعداي  ءبىر ايعا، ياعني، 15 ساۋىرگە دەيىن بەلگىلەنەگەن. كەيىن، 10 ساۋىردە پرەزيدەنت توقايەۆ توتەنشە جاعداي رەجيمىن ءساۋىردىڭ سوڭىنا دەيىن سوزعان بولاتىن.

توتەنشە جاعدايدان بولەك، ەلدەگى كەيبىر قالالار مەن وبلىستار كارانتينگە جابىلدى. 

سوڭعى اقپارت بويىنشا، ەلدە 13 ناۋرىزدان بەرى 1179 ادام كوروناۆيرۋس جۇقتىرعان. وسى ۋاقىتقا دەيىن ولاردىڭ 150ء-ى ىندەتتەن جازىلىپ شىقتى، 14 ادام كوز جۇمدى.