اقتوبە وبلىستىق دەنساۋلىق ساقتاۋ باسقارماسىنىڭ باسشىسى اسەت قالييەۆ كوروناۆيرۋس انىقتالعان كوپقاباتتى ۇيلەردىڭ تۇرعىندارىنىڭ تەست تاپسىرىپ جاتقاندىعىن ايتتى. بۇل تۋرالى قازاقپارات حابارلادى.
– جەدەل تەست اقتوبەگە جەتكىزىلدى. ناۋقاس ادامدار تۇرعان كوپقاباتتى ءۇيدىڭ تۇرعىندارىنان اناليز الىنىپ جاتىر. كورشىلەرى جەدەل تەست تاپسىردى. جۇمىس كەشە باستالدى، بۇگىن جالعاسىپ جاتىر، – دەدى اسەت قالييەۆ
ايتا كەتەيىك، اقتوبە قالاسىندا كوپقاباتتى ۇيلەردىڭ ءتورت پودەزى جابىق تۇر. ول ۇيلەردە شامامەن 126 تۇرعىن باقىلاۋعا الىندى. اقتوبە وبلىسىنىڭ بيلىگى بارلىعى 24 مىڭ جەدەل تەستكە تاپسىرىس بەرىپ، ساتىپ العان بولاتىن.
قازىرگى ۋاقىتتا وڭىردە ۆيرۋستى جۇقتىرعانداردىڭ جالپى سانى – 25 ادامعا جەتتى.
پىكىر قالدىرۋ