ەرجان باباقۇماروۆ قالالىق جۇقپالى اۋرۋلار جانە پروۆيزورلىق اۋرۋحانالاردىڭ باس دارىگەرلەرىنىڭ مەديسينا قىزمەتكەرلەرى مەن دارىگەرلەر جۇمىسىنىڭ ەڭبەك قاۋىپسىزدىگىن قامتاماسىز ەتۋ شارالارى بويىنشا ەسەبىن تىڭدادى.

الماتى قالاسى اكىمىنىڭ ورىنباسارى ە. باباقۇماروۆ قالانىڭ باس مەملەكەتتىك سانيتارلىق دارىگەرى ج. بەكشين، قوعامدىق دەنساۋلىق باسقارماسىنىڭ باسشىسى ت. ابىلدايەۆپەن بىرلەسىپ، بەينە-كونفەرەنسيا-بايلانىس رەجيمىندە جۇقپالى اۋرۋلار ستاسيونارلارى، پروۆيزورلىق گوسپيتالدار جانە كارانتيندىك بولىمشەلەر ورنالاسقان ەمحانالاردىڭ باس دارىگەرلەرىمەن جينالىس وتكىزدى.

جيىندا دارىگەرلەر مەن مەديسينا قىزمەتكەرلەرىنىڭ ەڭبەك قاۋىپسىزدىگىن قامتاماسىز ەتۋ جانە كوروناۆيرۋس ينفەكسياسىنىڭ جۇعۋىن بولدىرماۋ بويىنشا قابىلدانعان شارالار پىسىقتالدى.

«كەزدەسۋدىڭ باستى ماقساتى – قازىرگى جاعدايدى باعامداي وتىرىپ، دارىگەرلەردىڭ ءقاۋىپتى ىندەتكە شالدىقپاۋ ءۇشىن ءتيىستى شارالاردى كۇشەيتۋ»، – دەپ اتاپ ءوتتى ەرجان باباقۇماروۆ.

قالا اكىمىنىڭ ورىنباسارى ە.باباقۇماروۆ مەديسينا قىزمەتكەرلەرىن جەكە قورعانىش قۇرالدارىمەن قامتاماسىز ەتۋ، ولاردىڭ بەرىلۋى مەن دۇرىس تاعىلۋىن، سونىمەن بىرگە ەپيدەميولوگيالىق نورمالاردى ساقتاۋدى ءجىتى قاداعالاۋ مىندەتىن قويدى. ول ءۇشىن ءاربىر مەديسينالىق ۇيىمدا جاۋاپتى قىزمەتكەر تاعايىندالعان.

ينفەكسيالىق ستاسيونارلاردىڭ ءىشىن «تازا» جانە «جۇمىسشى» (ينفەكسيا جۇقتىرعاندار) ايماقتارىنا بولۋگە ەرەكشە كوڭىل بولىنگەن. بۇل ءادىس COVID-19-دى جۇقتىرعاندار جانە كاتارالدى بەلگىلەرى بار باسقا ناۋقاستارمەن بايلانىستا بولعان جاندارمەن قارىم-قاتىناس ورناتپاۋ ءۇشىن جاسالعان. اۋرۋحانالاردىڭ باس دارىگەرلەرىنە كەلۋشى ناۋقاستار لەگىن ءبولۋدى دۇرىس جولعا قويۋ كەرەكتىگى مىندەتتەلدى.

«ايماقتارعا ءبولۋ (زونالارعا ءبولۋ) – ماڭىزدى ماسەلە. فيلترلاردىڭ جۇمىسى، ناۋقاستاردى قابىلداپ، ولاردى ءتيىستى بولىمشەلەرگە ورنالاستىرۋ، پەرسونالدىڭ جۇمىسى، سونىمەن بىرگە، «تازا» جانە «جۇمىسشى» (ينفەكسيا جۇقتىرعاندار) ايماقتارىندا كەزەكشى دارىگەرلەردىڭ اۋىسىمى كەزىندە قاۋىپسىزدىك تالاپتارىن ساقتاۋ دا ماڭىزدى»، – دەپ اتاپ ءوتتى ەرجان باباقۇماروۆ.

سونداي-اق كادر رەسۋرستارىن جوسپارلاۋ جانە باسقارۋ، مەديسينالىق رەزەرۆتى جانە دارىگەرلەر بريگادالارىنىڭ اۋىسىمدارىن دايىنداۋ بويىنشا جۇمىستى كۇشەيتۋ تاپسىرىلدى.

بۇدان وزگە كوروناۆيرۋسقا قارسى ءىس-قيمىلعا جۇمىلدىرىلعان دارىگەرلەر مەن مەديسينالىق قىزمەتكەرلەرگە تولەمدەردى جۇزەگە اسىرۋدىڭ اشىقتىعىن قامتاماسىز ەتۋ تاپسىرىلدى. بۇگىندە الماتىدا قارجىلىق قولداۋدى ۇيىمداستىرۋ بويىنشا كوميسسيا جۇمىس ىستەيدى. تاۋەكەل توبىنداعىلارعا تولەنەتىن ۇستەماقىنى كوميسسيا شەشەدى. ايتا كەتۋ كەرەك، كوميسسيا قۇرامىنا Nur Otan پارتياسىنىڭ وكىلدەرى، قوعامدىق كەڭەستىڭ مۇشەلەرى دە كىرەدى.

قالانىڭ باس مەملەكەتتىك سانيتارلىق دارىگەرى جانداربەك بەكشيننىڭ ايتۋىنشا، بارلىق مەديسينالىق ۇيىمداردا ينفەكسيالىق باقىلاۋدى ساقتاۋعا جاۋاپتى گوسپيتالدىق ەپيدەميولوگتار جۇمىس ىستەيدى. ج. بەكشين باس دارىگەرلەردىڭ نازارىن مەكەمە اۋماعىندا بەتپەردە تاعۋ رەجيمىن قاتاڭ ساقتاۋ قاجەتتىگىنە اۋداردى.

جيىن بارىسىندا كوروناۆيرۋستىق ينفەكسيانىڭ تارالۋىنا قارسى ءىس-قيمىل جانە قاۋىپسىزدىك شارالارىن قامتاماسىز ەتۋ بويىنشا مەديسينالىق ۇيىمداردىڭ باس دارىگەرلەرىنىڭ ەسەپتەرى تىڭدالدى.

بۇل رەتتە №7 كلينيكالىق اۋرۋحانانىڭ باس دارىگەرى م. رامازانوۆ، №11 ەمحانادان م. ءجۇنىسوۆا، ورتالىق قالالىق كلينيكالىق اۋرۋحانادان م. ابدۋللايەۆ، كلينيكالىق جانە جۇقپالى اۋرۋلار اۋرۋحاناسىنان ا. ابدراحمانوۆا، №1 كوپسالالى مەديسينالىق ورتالىقتان ج. ساپييەۆ، №3 كوپسالالى مەديسينالىق ورتالىقتان ە. قالييەۆ، №32 ەمحانادان ا. قاجىبايەۆ، №12 ەمحاناداگ ر. سۇلەيمەنوۆ، جەدەل مەديسينالىق جاردەم ستانساسىنان ا. امەنوۆ، سونداي-اق قالالىق بالالار كلينيكالىق جۇقپالى اۋرۋلار اۋرۋحاناسى باس دارىگەرىنىڭ م.ا. ج. ەشىبەكوۆا بايانداما جاسادى.