ستاتيستيكاعا سايكەس، تالقىلاۋدىڭ باستى تاقىرىبى ەلباسىنىڭ باستاماسىمەن قۇرىلعان «Birgemiz» قورىنان بەرىلەتىن كومەكتىڭ ەكىنشى كەزەڭى تۋرالى بولدى. سونداي-اق، سۇراقتاردىڭ كوپشىلىگى مەملەكەتتەن 42 000 تەڭگە تولەم الۋ ءتارتىبى، كوممۋنالدىق قىزمەتتەردى تولەۋ ءۇشىن بەرىلەتىن كومەكتى الۋ مەحانيزمدەرىنە جانە باسقا دا الەۋمەتتىك قولداۋ شارالارىنا قاتىستى بولدى.

ماسەلەن، تۇرعىندارمەن ونلاين-سۇحبات بارىسىندا پارتيانىڭ قىزىلوردا وبلىستىق فيليالى ءتوراعاسىنىڭ ءبىرىنشى ورىنباسارى اقمارال ءالنازاروۆا 200-گە جۋىق سۇراققا جاۋاپ بەردى. ونىڭ ايتۋىنشا، ايماقتاعى 6 مىڭنان استام وتباسى «Birgemiz» قورىنان 50 مىڭ تەڭگە كومەك السا، ال مامىر ايىندا قاراجات تاعى 8 مىڭ وتباسىنا بەرىلمەك. ولاردىڭ ىشىندە از قامتىلعان جانە كوپبالالى وتباسىلار، ءبىرىنشى توپتاعى مۇگەدەكتەر، جەتىمدەر، ۇوس ارداگەرلەرى جانە ت.ب. بار.

كوممۋنالدىق تولەمدەر ءۇشىن بەرىلەتىن 15 مىڭ تەڭگە وتەماقىن جايىندا شىمكەنتتىكتەر سۇرادى. اتاپ ايتقاندا، قالا تۇرعىندارىنىڭ ءبىرى بۇل اقشانى پاتەردى جالداۋشىلار الا الا ما دەگەن سۇراعىن جولدادى. تىكەلەي ەفيردە «Nur Otan» قالالىق فيليالى ءتوراعاسىنىڭ ءبىرىنشى ورىنباسارى باحادىر نارىمبەتوۆ دەرەۋ تۇرعىن ءۇي دەپارتامەنتىنىڭ باسشىلىعىمەن جانە قالانىڭ تۇرعىن ءۇي ينسپەكسياسىمەن تەلەفون ارقىلى بايلانىس ورناتىپ، وندا ولار وكىنىشكە قاراي، جالعا الۋشىلار بۇل وتەماقىنى تالاپ ەتە المايتىندىعىن ءتۇسىندىردى.

ەكى ساعاتقا سوزىلعان تىكەلەي ەفير بارىسىندا سپيكەرگە 3 مىڭعا جۋىق سۇراق قويىلدى. سونداي-اق، «Birgemiz» قورىنان بەرىلەتىن تولەمدەر تۋرالى سۇراق قويعانداردىڭ قاتارى دا كوپ بولدى. اتالعان تولەمدى الۋشىلاردىڭ ساناتتارىن تۇسىندىرە وتىرىپ، باحادىر نارىمبەتوۆ شىمكەنتتىك 22 مىڭعا جۋىق وتباسىعا ماتەريالدىق كومەك كورسەتىلگەنىن، ال تاعى 20 مىڭى جاقىن كۇندەرى الاتىنىن اتاپ ءوتتى. سونىمەن قاتار، توتەنشە جاعداي كەزىندە 2 مىڭنان استام مۇقتاج وتباسىعا سانيتارلىق قورعانىش قۇرالدارى مەن ازىق-تۇلىك بەرىلدى.
ناعىز رەكوردتى اتىراۋ وبلىسىنىڭ نۇروتاندىقتارى ورناتتى. مۇندا پارتيا فيليالى ءتوراعاسىنىڭ ءبىرىنشى ورىنباسارى نۇرلىبەك وجايەۆتىڭ تىكەلەي ەفيرىن 30 مىڭعا جۋىق ادام كوردى. ول كومەك كارانتيندىك شارالاردىڭ زاردابىن تارتىپ وتىرعان وتباسىلارعا كورسەتىلىپ جاتقانىن ءتۇسىندىردى. ونى الۋشىلاردىڭ تىزىمدەرىن الەۋمەتتىك جاعىنان وسال توپتاردىڭ ازاماتتارىن ۇسىنا وتىرىپ، اكىمدىك پەن الەۋمەتتىك قورعاۋ ورگاندارى جاسادى.

ال تۇركىستان وبلىسىندا تىكەلەي ەفير وسىمەن ەكىنشى رەت ءوتتى. وبلىس تۇرعىندارىنىڭ الەۋمەتتىك ماسەلەلەرگە قاتىستى سۇراقتارىنىڭ كوپتىگىن ەسكەرە وتىرىپ، پارتيانىڭ وبلىستىق فيليالى ءتوراعاسىنىڭ ءبىرىنشى ورىنباسارى بەيسەنباي تاجىبايەۆ ونلاين-كەزدەسۋدى اكىمدىك پەن الەۋمەتتىك ساقتاندىرۋ قورىنىڭ وكىلدەرىمەن بىرگە وتكىزدى. تۇركىستاندىقتار توتەنشە جاعدايدىڭ قاشان اياقتالاتىنىنا، قالاعا كىرىپ-شىعۋعا كىمدەرگە رۇقسات بەرىلەتىنىنە قاتىستى ساۋالدارىن ورتاعا تاستادى. كارانتين كەزىندە كورسەتىلگەن الەۋمەتتىك كومەك ءۇشىن پارتيا مۇشەلەرى مەن دەمەۋشىلەرگە العىستارىن جەتكىزگەن تۇرعىندار قاتارى دا از بولعان جوق.

وسكەمەن مەن سەمەيدىڭ تۇرعىندارى دا «Birgemiz» قورىنا ريزاشىلىقتارىن ءبىلدىردى. وسى ەكى قالاداعى 12 مىڭعا جۋىق وتباسىعا 620 ميلليون تەڭگەدەن استام قارجىلاي كومەك كورسەتىلدى. تاعى 17 مىڭى وسى اپتادا قارجىلاي كومەك الادى. «Nur Otan» پارتياسى وبلىستىق فيليالى ءتوراعاسىنىڭ ءبىرىنشى ورىنباسارى ولەگ چۋگۋنكوۆ اتاپ وتكەندەي، اقشا ەكىنشى دەڭگەيدەگى بانكتەر ارقىلى كارتاعا نەمەسە اعىمداعى شوتتارعا اۋدارىلادى. بۇل رەتتە بانك كوميسسياسى الىنبايدى جانە وسى اقشادان نەسيە بەرەشەگىن وتەۋ ءۇشىن ۇستالمايدى.

«Birgemiz» قورىنان بەرىلەتىن كومەكتىڭ ەكىنشى كەزەڭىندە پاۆلودار وبلىسىندا قارجىلاي تولەم الۋشىلاردىڭ سانى ەكى ەسەگە ارتىپ، 14 مىڭ وتباسىنا جەتتى. بۇل تۋرالى پارتيانىڭ وبلىستىق فيليالى ءتوراعاسىنىڭ ءبىرىنشى ورىنباسارى يليا تەرەنچەنكو تىكەلەي ەفير بارىسىندا ايتتى.

ءوز كەزەگىندە پارتيانىڭ سولتۇستىك قازاقستان وبلىستىق فيليالى ءتوراعاسىنىڭ ءبىرىنشى ورىنباسارى اسەم راحمەتوۆا بارلىق ەرىكتىلەرگە ايانباي اتقارعان جۇمىستارى ءۇشىن العىس ايتتى.

«ءار ەرىكتى كۇنىنە 6-7 مەكەن-جايعا بارادى. 2 مىڭعا جۋىق مۇقتاج وتباسى جەكە قورعانىس قۇرالدارىمەن جانە نەگىزگى قاجەتتى ازىق-تۇلىكتەرمەن قامتاماسىز ەتىلدى. بۇل جۇمىستى پارتيا مۇشەلەرى ودان ءارى جالعاستىرۋدا. سونىمەن قاتار، «Birgemiz» قورى پەتروپاۆلداعى 4 مىڭعا جۋىق وتباسىعا 50 مىڭ تەڭگە كولەمىندە ءبىرجولعى الەۋمەتتىك كومەك اۋداردى، ال وسى ايدا تاعى 8 مىڭ مۇقتاج وتباسى قارجىلاي كومەك الادى »، - دەدى ول.

ايتا كەتۋ كەرەك، «Nur Otan» پارتياسى ەندى ونلاين-كەزدەسۋلەردى جۇيەلى تۇردە وتكىزۋدى جوسپارلاپ وتىر. بۇل تۋرالى ءتيىستى حابارلاندىرۋلار پارتيا فيليالدارىنىڭ الەۋمەتتىك جەلىلەردەگى رەسمي اككاۋنتتارىندا جاريالانادى.