اقش پرەزيدەنتى دونالد ترامپ كوروناۆيرۋس سالدارىنان تۋىنداعان زارداپتار ءۇشىن بەيجىڭنەن وتەماقى الۋ جايىنداعى تالاپتارىن جاريالاعان سوڭ، اقش پەن جۇڭگو اراسىنداعى شيەلەنىس ءتىپتى كۇشەيدى. بۇل تۋرالى قامشى ءتىلشىسى Daily Express باسىلىمىنا سىلتەمە جاساپ حابارلايدى.
NBC تەلەارناسىنا بەرگەن سۇحباتىندا قىتايدىڭ اتقارۋشى ۆيسە-مينيسترى لە يۋچەن اقش-تىڭ پاندەمياعا قاتىستى ايىپتاۋلارىنا نارازىلىق ءبىلدىردى.
جۇڭگو پرەزيدەنتىنىڭ ورىنباسارى كوروناۆيرۋستان زارداپ شەككەن ەلدەرگە كەلتىرىلگەن شىعىنداردى وتەمەيتىنىن مالىمدەدى.
سارسەنبى كۇنى تاڭەرتەڭ بەرگەن سۇحباتىندا لە مىرزا ترامپتىڭ تالاپتارىن "اشۋلانشاق پىكىر" جانە "ساياسي فارس" دەپ اتادى.
جۇڭگو شەنەۋنىگى پاندەميانى "تابيعي اپات" دەپ سيپاتتادى جانە پەكين COVID-19 ءۇشىن قارجىلىق جاۋاپكەرشىلىككە تارتىلمايتىنىن مالىمدەدى.
جاقىندا اقش پرەزيدەنتى دونالد ترامپ كوروناۆيرۋستان زارداپ شەككەن ەلدەرگە بەيجىڭنىڭ وتەماقى تولەۋى تۋرالى تالابىن جاريالاعان سوڭ، نەمىس بۇقارالىق اقپارات قۇرالدارىندا دا وتەماقى الۋ ۇندەۋلەرى بولدى.
پىكىر قالدىرۋ