بۇگىن، 21 مامىر – مادەنيەت جانە ونەر قىزمەتكەرلەرىنىڭ كۇنى. اتاۋلى مەرەكەگە وراي Qamshy.kz اقپارات اگەنتتىگى اكتەر، ءانشى تۇڭعىشباي جامانقۇلوۆتىڭ "ونەر ادامى" ءانىن وقىرمان نازارىنا ۇسىنادى. 

تۇڭعىشباي جامانقۇلوۆتىڭ ورىنداۋىندا "ونەر ادامى" ءانى. 

ءسوزى: ەسەنقۇل جاقىپبەكتىكى، ءانى: قادىرعالي كوبەنتايدىكى.

بىزدەر، بىزدەر پاتشادان دا پاڭدارمىز،
بىزدەر، بىزدەر بىرەۋلەرگە ارمانبىز. 
باردى بار دەپ، جوقتى جوق دەپ جاسىرماي، 
باقىتىنان قاشىپ جۇرگەن جاندارمىز. 

بىرەۋلەردىڭ وعى جوق بوپ اتارعا، 
بىزدەر ءجۇرمىز قاتەرلى ءبىر ساپاردا. 
جىرتىعىڭدى جاماپ بەرىپ جاتسا دا، 
ەشكىم ءبىزدى قوسا المايدى قاتارعا. 

الدىمىزدا جالت-جۇلت ەتىپ وت شىراق، 
انە-مىنە ب ا ق قونارداي بوپ تۇرادى. 
جالپى ماقتاپ جانى قالماي جاتسا دا، 
ەشكىم ءبىزدى شىن تۇسىنگەن جوق، ءبىراق.

جانىمىزعا بەرمەي ەشبىر تىنىشتىق، 
كوپشىلىكپەن كوپ جۇرۋگە تىرىستىق. 
بار ەكەنىن ماحابباتتىڭ، شىندىقتىڭ، 
بارشا ادامعا سەندىرۋگە تىرىستىق. 

بىزگە عاشىق ۇياتتى قىز شىبىق بەل، 
بىزگە عاشىق جانى جايساڭ جىگىتتەر. 
ءبىز جۇرگەن جەر ۇلبىرەگەن ۇمىتتەر، 
ءبىز جۇرگەن جەر اق نيەتتى بۇلىكتەر.