قاسيەتتى رامازان – مەيىرىم مەن بەرەكەت ايى. وسى ايدا جاساعان ءاربىر ىزگى امالعا ەسەلەنىپ ءاجىر-ساۋاپ جازىلادى. رامازان ايىنىڭ اياق باسۋىمەن قايىرىمدىلىق ءىس-شارالارى الماتى قالاسى مەشىتتەرىندە دە ءوز جالعاسىن تابۋدا، دەپ جازادى muftyat.kz.
مەگاپوليستە قايىرىمدىلىق شارالارى ءۇزىلىسسىز جالعاسىپ جاتىر. يگى باستامانىڭ قانات قاعۋىنا شاھاردىڭ اۋداندارىنداعى مەشىتتەر دە ايرىقشا ۇلەس قوسۋدا.
ماسەلەن، بوستاندىق اۋداندىق «بايكەن» مەشىتىنىڭ باس يمامى دانيار جۇمابايەۆتىڭ ۇيىتقى بولۋىمەن الەمدى جايلاعان پاندەمياعا بايلانىستى ەلدەگى توتەنشە جاعداي جاريالانۋىنا وراي قاسيەتتى رامازان ايىندا اۋىزاشار ورنىنا 350 وتباسىعا ازىق-تۇلىك ۇلەستىرىلدى.
يگىلىكتى شارا «بايكەن» مەشىتىندە ۇيىمداستىرىلىپ، رامازان سىيلىعى رەتىندە كوپبالالى وتباسىلار مەن مۇمكىندىگى شەكتەۋلى جاندارعا تاراتىلدى.
پىكىر قالدىرۋ