الماتى قالاسى مەشىتتەرىنىڭ ۇيىمداستىرۋىمەن تۇركىستان وبلىسى ماقتاارال اۋدانىندا سۋ تاسقىنىنان زارداپ شەككەن ازاماتتارعا كومەك كورسەتۋ ماقساتىندا الماتى ورتالىق مەشىتىنەن «ماقتاارالعا كومەك» اتتى قايىرىمدىلىق كەرۋەنى جولعا شىقتى، دەپ حابارلايدى الماتى ورتالىق مەشىتىنىڭ باسپا ءسوز قىزمەتى.

ماقتاارال اۋدانىنداعى بىرنەشە اۋىلداردى سۋ باسۋىنا بايلانىستى قمدب-نىڭ ءتوراعاسى، باس ءمۇفتي ناۋرىزباي قاجى تاعان ۇلى حازرەتتىڭ باستاماسىمەن الماتى قالاسى وكىلدىگى «ماقتاارالعا كومەك» اتتى قايىرىمدىلىق شاراسىن ۇيىمداستىردى.   

قايىرىمدىلىق كەرۋەنىنە بۇزىلمايتىن ازىق-تۇلىك، تۇرمىسقا قاجەتتى كيىم-كەشەك، كورپە-توسەك، گيگيەنالىق زاتتار قابىلداندى. اۋىر جۇك كولىگىنە تيەلگەن زاتتار 16 تونناعا جۋىق. 

قايىرىمدىلىق شاراسىنا اقپاراتتىق قولداۋ بىردىرۋگە كەلگەن ب ا ق تىلشىلەرىنە الماتى قالاسىنىڭ باس يمامى ەركىنبەك شوقاي سۇحبات بەردى. باس يمام ماقتاارالدىق اعايىنعا الماتى جۇرتشىلىعى اتىنان سالەم جولداپ، اللادان ەلىمىزگە اماندىق، جەڭىلدىك پەن سابىر تىلەدى. 

سونىمەن قاتار، باس يمام «ماقتاارالعا كومەك» قايىرىمدىلىق شاراسىنا ۇلەس قوسقان قولى اشىق ازاماتتارعا، كاسىپكەرلەرگە، يمامدارعا جانە مەشىت جاماعاتتارىنا ۇلكەن العىس ءبىلدىردى.

الماتى ورتالىق مەشىتىنىڭ باسپا ءسوز قىزمەتى