الماتىداعى قمدب عيماراتىندا ەلىمىزگە بەلگىلى ونەر ادامدارىنىڭ قاتىسۋىمەن قايىرىمدىلىق شاراسى ءوتتى. يگى شاراعا قازاق ونەرىنىڭ تانىمال وكىلدەرى مەيرامبەك بەسبايەۆ، ساكەن مايعازييەۆ، ەرعالي ءابدىرايىموۆ، ەردوس قانايەۆ، گۇلميرا اقۇرپەكوۆا، جانار ايجانوۆا قاتىستى، دەپ جازادى muftyat.kz.

شارا بارىسىندا قمدب ءدىن ىستەرى جانە تالداۋ ءبولىمىنىڭ مەڭگەرۋشىسى نۇربەك قاجى اۋەسحان ۇلى قمدب ءتوراعاسى، باس ءمۇفتي ناۋرىزباي قاجى تاعان ۇلىنىڭ رامازان ايىمەن قۇتتىقتاۋ سالەمىن جەتكىزىپ، دەمەۋشىلىك جاساعان قازاق ونەرىنىڭ تانىمال وكىلدەرىنە العىس ايتتى.

قاسيەتتى رامازان ايىنىڭ قۇرمەتى ءۇشىن ۇيىمداستىرىلعان يگى شارادا باسپاناعا اسا مۇقتاج  وتباسىنا «ەل ۇلەسى – پاتەرگە» قايىرىمدىلىق اكسياسىنىڭ 208ء-ۇيىنىڭ كىلتى تابىستالدى.

باسپانا كىلتى الماتى وبلىسىنىڭ تۇرعىنى، كوپبالالى انا اينۇر ساپاروۆاعا بۇيىردى.

الماتى ءوڭىرىنىڭ باس يمامى قۋانىش باقىتبەك ۇلى باسپانالى بولعان وتباسىنا باس ءمۇفتي اتىنان سىيلىقتار تابىس ەتتى.

ءمۇفتيات پەن ونەر وكىلدەرى بىرلەسە اتسالىسقان قايىرىمدىلىق ءىس-شارا اياسىندا 50 مۇقتاج وتباسىعا ازىق-تۇلىك سالىنعان اۋىزاشار قورجىنى تاراتىلدى.