اقش پرەزيدەنتى دونالد ترامپ الەۋمەتتىك مەديا پلاتفورمالارعا ارنالعان كەيبىر زاڭدىق قورعاۋدى الىپ تاستاۋعا باعىتتالعان بۇيرىققا قول قويدى. بۇل تۋرالى قامشى ءتىلشىسى نيۋ-يورك تايمسقا سىلتەمە جاساپ حابارلايدى. 

ترامپ ءىرى ينتەرنەت كومپانيالارىندا جەلى قولدانۋشىلارىنىڭ پىكىرلەرىن وزگەرتۋ نەمەسە سەنزۋرا جاساۋ ءۇشىن «تەكسەرىلمەگەن كۇش» بار ەكەنىن مالىمدەدى.

اقش پرەزيدەنتى Twitter جانە Facebook سياقتى پلاتفورمالار كونسەرۆاتورلاردىڭ ۇندەرىن وشىرەتىنىن ايتىپ ايىپتادى.

ايتا كەتەيىك، وسى اپتادا Twitter ترامپتىڭ جازبالارىنا فاكچەكيڭ بەلگىلەرىن قوسۋدى ۇيعارعاننان كەيىن، اق ءۇي مەن ينتەرنەت كومپانياسى اراسىندا شيەلەنىس كۇشەيە ءتۇستى. اقش پرەزيدەنتى "Twitter سايلاۋعا كەدەرگى كەلتىردى، ءسوز بوستاندىعىنا قارسى ارەكەت ەتتى" دەپ ايىپتاپ، كومپانيانى جاپتىراتىنىن مالىمدەگەن. ال، Twitter ترامپتىڭ اقش ميننەسوتا شتاتىنداعى تارتىپسىزدىكتەر تۋرالى جازباسىن "زورلىق-زومبىلىق بەلگىلەر بار" دەپ ۇيعارىپ، بۇعاتتاعان.