الماتى قالاسى تۇركسىب اۋدانىندا ورنالاسقان ماكۋلاتۋرا قويماسىنان ءورت شىقتى، دەپ حابارلايدى Qamshy.kz اقپارات اگەنتتىگى.
توتەنشە جاعداي دەپارتامەنتىنىڭ حابارلاۋىنشا، ءورت تۇركسىب اۋدانى بەكماحانوۆ كوشەسى 96 گ مەكەنجايىنان شىققان. ءقازىر وندا ءورت ءسوندىرۋ بولىمشەلەرى ءتىلسىز جاۋمەن كۇرەسۋدە.
"الدىن الا مالىمەت بويىنشا ءورت ماكۋلاتۋرا قويماسىنان شىققان. وقيعا ورنىنا 15 تەحنيكا، جەكە قۇرامنان 60 ادام جانە 2ء-شى ءورت ءسوندىرۋ ءبولىمىنىڭ 30 توننالىق اۆتوپويىزى جۇمىلدىرىلدى. سونىمەن قاتار قىزىل جالىننىڭ جاقىن ورنالاسقان نىساندارعا جايىلىپ كەتپەۋى ءۇشىن ارەكەتتەر جاسالىپ جاتىر. گيدرانتتارعا اۆتوسيستەرنالار ورناتىلدى"،– دەپ حابارلادى تجد.
دەرەككوز: قازاقپارات
پىكىر قالدىرۋ