قازاقستان رەسپۋبليكاسى اقپارات جانە قوعامدىق دامۋ مينيسترلىگى 2020 جىلعى 25 مامىردا مەملەكەت باسشىسىنىڭ «قازاقستان رەسپۋبليكاسىندا بەيبىت جينالىستاردى ۇيىمداستىرۋ جانە وتكىزۋ ءتارتىبى تۋرالى» زاڭعا قول قويعانىن حابارلايدى. بۇل تۋرالى اقپاراتتى مينيسترلىك Telegram ارناسىنا جۇكتەگەن بولاتىن، دەپ جازادى Qamshy.kz اقپارات اگەنتتىگى
زاڭ العاش رەسمي جاريالانعان كۇننەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى.
زاڭ 2020 جىلعى 26 مامىردا جاريالاندى، سايكەسىنشە 2020 جىلعى 6 ماۋسىمدا كۇشىنە ەنەدى.
2020 جىلعى 6 ماۋسىمعا دەيىن «قازاقستان رەسپۋبليكاسىندا بەيبiت جينالىستار، ميتينگiلەر، شەرۋلەر، پيكەتتەر جانە دەمونستراسيالار ۇيىمداستىرۋ مەن وتكiزۋ ءتارتiبi تۋرالى» 1995 جىلعى 17 ناۋرىزداعى قازاقستان رەسپۋبليكاسىنىڭ زاڭى ءوز كۇشىندە قالادى.
وسىعان بايلانىستى بەيبىت جينالىستار تۋرالى حابارلامالار مەن كەلىسۋدى الۋ تۋرالى وتىنىشتەردى جولداۋ «قازاقستان رەسپۋبليكاسىندا بەيبىت جينالىستاردى ۇيىمداستىرۋ جانە وتكىزۋ ءتارتىبى تۋرالى» زاڭى كۇشىنە ەنگەننەن كەيىن مۇمكىن بولادى.
پىكىر قالدىرۋ