الماتى قالاسىنىڭ اكىمى باقىتجان ساعىنتايەۆتىڭ وكىمىمەن قامالجان تالعات ۇلى نادىروۆ قوعامدىق دەنساۋلىق باسقارماسىنىڭ باسشىسى لاۋازىمىنا تاعايىندالدى. بۇل تۋرالى قالا اكىمدىگىنىڭ باسپا ءسوز قىزمەتى حابارلادى.

بۇعان دەيىن كامالجان نادىروۆ دەنساۋلىق ساقتاۋ ۆيسە-مينيسترى قىزمەتىن اتقاردى.

كامالجان نادىروۆ 1983 جىلى 27 اقپاندا دۇنيەگە كەلگەن.

ەكى جوعارى ءبىلىمى بار: س.ج. اسفەندياروۆ اتىنداعى قازاق ۇلتتىق مەديسينا ۋنيۆەرسيتەتىن ەمدەۋ ءىسى ماماندىعى بويىنشا، تۇران ۋنيۆەرسيتەتىن – ەكونوميست ماماندىعى بويىنشا ءتامامداعان. قوعامدىق دەنساۋلىق ساقتاۋ ماگيسترى. سونداي-اق نازاربايەۆ ۋنيۆەرسيتەتىنىڭ جوعارى بيزنەس مەكتەبىن (Execuitive MBA) بىتىرگەن، «The Fuqua School of Business» Duke University-دە (اقش)، «Parkway College» (سينگاپۋر) وقۋ ورىندارىندا ءبىلىم العان.

ەڭبەك جولىن 2007 جىلى ينتەرن-دارىگەر بولىپ باستاپ، كلينيكالىق ورديناتور، ءبولىم مەڭگەرۋشىسى، ب.و. جاربوسىنوۆ اتىنداعى «ۋرولوگيا عىلىمي ورتالىعى» باس ديرەكتورىنىڭ ورىنباسارى قىزمەتتەرىن اتقاردى.

2014 جىلدان باستاپ دەنساۋلىق ساقتاۋ مينيسترلىگى مەديسينالىق قىزمەتتەردى ستاندارتتاۋ دەپارتامەنتى ديرەكتورىنىڭ ورىنباسارى قىزمەتىن اتقاردى. 2015-2017 جىلدارى «رەسپۋبليكالىق دياگنوستيكالىق ورتالىق» («University Medical Center») ديرەكتورى قىزمەتىن اتقاردى.

2017-2019 جىلدارى استانا قالاسى قوعامدىق دەنساۋلىق باسقارماسىنىڭ باسشىسى بولدى.

2019 جىلعى ناۋرىزدا قازاقستان رەسپۋبليكاسىنىڭ دەنساۋلىق ساقتاۋ ۆيسە-مينيسترى قىزمەتىنە تاعايىندالدى.