قاراعاندى وبلىسى تەمىرتاۋ قالاسىنىڭ اكىمى عالىم ءاشىموۆ كوروناۆيرۋس ينفەكسياسىن جۇقتىردى. بۇل تۋرالى اكىمدىكتىڭ باسپا ءسوز قىزمەتى حابارلادى.
– تەست ناتيجەسى تەمىرتاۋ قالاسى اكىمىندە كوروناۆيرۋستىق ينفەكسيا بارىن راستادى. قازىرگى ۋاقىتتا عالىم ءاشىموۆ ۇيىندە وقشاۋلانۋدا. دارىگەرلەر دەنساۋلىق جاعدايىن تۇراقتى دەپ ايتتى. قالا اكىمى ەشقانداي السىزدىك جوق ەكەنىن جانە 14 كۇن ءوزىن-وزى وقشاۋلاپ، باقىلاۋدا بولاتىنىن ايتتى، – دەپ حابارلادى اكىمدىكتىڭ باسپا ءسوز قىزمەتى.
قازىرگى ۋاقىتتا قالا اكىمىنىڭ مىندەتىن ونىڭ ورىنباسارى ميراس قۇتتىباي اتقاراتىن بولادى. تەمىرتاۋ اكىمدىگىنىڭ اپپاراتى شتاتتىق رەجيمدە جۇمىس ىستەپ جاتىر.
جۇرگىزىلگەن زەرتتەۋ ناتيجەلەرى بويىنشا تەمىرتاۋ قالاسى باسشىسىمەن بايلانىستا بولعان اكىمدىك قىزمەتكەرلەرىنىڭ بارلىعى ۆيرۋس جۇقتىرعان.
بۇگىندە قاراعاندى وبلىسىندا كوروناۆيرۋس ينفەكسياسىن جۇقتىرعاندار 956-عا جەتتى. ونىڭ ىشىندە 3 ناۋقاس قايتىس بولىپ، 255 ادام ساۋىققان.
پىكىر قالدىرۋ