بيىل قازاقستاندا ەڭ تومەنگى كۇنكورىس دەڭگەيى 13 پايىزعا ارتىپ، 32 مىڭ تەڭگەگە جەتتى. بۇل كورسەتكىش ماڭعىستاۋ وبلىسىندا ەڭ جوعارى (37 مىڭ تەڭگە)، ەڭ تومەنى – باتىس قازاقستان وبلىسىندا (29 مىڭ تەڭگە)، دەپ حابارلايدى Qamshy.kz اقپارات اگەنتتىگى Finprom.kz سايتىنا سىلتەمە جاساپ. 

مامىر ايىندا كۇنكورىستىڭ ەڭ تومەنگى دەڭگەيى 32،1 مىڭ تەڭگە بولدى، بۇل وتكەن جىلدىڭ سايكەس كەزەڭىنە قاراعاندا (28،3 مىڭ تەڭگە) 13،4 پايىزعا ارتىق. ال تۇتىنۋ باعالارىنىڭ يندەكسى – 6،7 پايىز.

ەڭ تومەنگى كۇنكورىس دەڭگەيىنىڭ قۇرىلىمىندا ازىق-تۇلىك تاۋارلارىنىڭ ۇلەسىنە – 17،7 مىڭ تەڭگە، ازىق-تۇلىكتىك ەمەس تاۋارلار مەن قىزمەتتەر ۇلەسىنە – 14،5 مىڭ تەڭگە ءتيدى الدى.

13 جاسقا دەيىنگى بالالارعا ەسەپتەلگەن ەڭ تومەنگى كۇنكورىس دەڭگەيى 26 مىڭ تەڭگە، 14-17 جاستاعى ۇلدارعا – 40،5 مىڭ تەڭگە، 14-17 جاستاعى قىزدارعا – 31،1 مىڭ تەڭگەنى كورسەتتى.

ەڭبەككە قابىلەتتى حالىق ءۇشىن ەڭ تومەنگى كۇنكورىس دەڭگەيى: ەرلەر ءۇشىن – 38،1 مىڭ تەڭگە، ايەلدەر ءۇشىن – 30،3 مىڭ تەڭگە. زەينەتكەرلەر مەن قارتتار ءۇشىن ەڭ تومەنگى كۇنكورىس دەڭگەيى 30 مىڭ تەڭگەگە جەتتى.

2020 جىلدىڭ مامىرىندا ەڭ جوعارى كۇنكورىس دەڭگەيى ءداستۇرلى تۇردە ماڭعىستاۋ وبلىسىندا تىركەلدى: 37،3 مىڭ تەڭگە – ورتاشا رەسپۋبليكالىق دەڭگەيدەن 16،2 پايىزعا ارتىق. نۇر-سۇلتان مەن الماتىدا ەڭ تومەنگى جالاقى 37،2 مىڭ جانە 35،8 مىڭ تەڭگە، بۇل ق ر بويىنشا سالىستىرعاندا ورتاشا ەسەپپەن 15،7 پايىزعا جانە 11،5 پايىزعا ارتىق. سونداي-اق، توپ-5 ايماققا الماتى (32،7 مىڭ تەڭگە) جانە شىعىس قازاقستان (32 مىڭ تەڭگە) وبلىستارى كىردى.

جالپى ەل بويىنشا تەك ءتورت وڭىردە ەڭ تومەنگى كۇنكورىس دەڭگەيى ورتاشا رەسپۋبليكالىق كورسەتكىشتەن اسادى.

قازاقستان بويىنشا كۇنكورىس دەڭگەيى ەڭ تومەن – باتىس قازاقستان (28،7 مىڭ تەڭگە)، اقتوبە (28،7 مىڭ تەڭگە) جانە پاۆلودار (28،8 مىڭ تەڭگە) وبلىستارىندا.