ۇلىبريتانياداعى ناسىلشىلدىككە قارسى نارازىلىق بىلدىرۋشىلەر وزەنگە تاستاپ جىبەرگەن قۇل ساۋداگەرىنىڭ ءمۇسىنىن بريستول قالاسىنىڭ بيلىگى سۋدان قايتا الىپ شىققان. بۇل تۋرالى Skynews جازدى.
جەرگىلىكتى بيلىك ءمۇسىندى ءقاۋىپسىز جەرگە ورنالاستىرعانىن، كەيىنىرەك مۇراجاي كوللەكسياسىنا جىبەرەتىنىن مالىمدەگەن.
اقش-تان باستالعان ناسىلشىلدىككە قارسى نارازىلىقتار بۇكىل الەمدى شارپۋدا. سالدارىنان ەۋروپادا جانە امەريكادا وتارشىلدىق پەن قۇلدىققا قاتىسى بار ءبىرقاتار ەسكەرتكىش قيراتىلعان نەمەسە الىنىپ تاستالعان.
ايتا كەتەيىك، بىرنەشە كۇن بۇرىن ۇلىبريتانياداعى دەمونستراسيا كەزىندە نارازى توپ 17ء-شى عاسىرداعى قۇل ساۋداگەرى ەدۆارد كولستوننىڭ ءمۇسىنىن اۆون وزەنىنە تاستاعانىن حابارلاعان بولاتىنبىز.
پىكىر قالدىرۋ