بۇگىن نۇر-سۇلتان قالاسىندا ق ر اقپارات جانە قوعامدىق دامۋ ءمينيسترى ايدا بالايەۆانىڭ توراعالىعىمەن ءجۋرناليستىڭ بەيبىت جينالىستار كەزىندەگى قىزمەتتىك قاعيدالارىن ونلاين-تالقىلاۋ ءوتتى.

ونلاين-تالقىلاۋعا اقپارات جانە قوعامدىق دامۋ مينيسترلىگىنىڭ وكىلدەرى، رەسپۋبليكالىق جانە وڭىرلىك ب ا ق، سونداي-اق ۇكىمەتتىك ەمەس ۇيىمداردىڭ باسشىلارى قاتىستى. ءىس-شارانى "باس رەداكتورلار كلۋبى" قوعامدىق بىرلەستىگى ۇيىمداستىردى.

قاعيدا "قازاقستان رەسپۋبليكاسىندا بەيبىت جينالىستار ۇيىمداستىرۋ جانە وتكىزۋ ءتارتىبى تۋرالى" جاڭا زاڭدى ىسكە اسىرۋ شەڭبەرىندە زاڭناماعا ەنگىزىلگەن سوڭعى تۇزەتۋلەرگە سايكەس ازىرلەندى.

ونلاين-تالقىلاۋ باستالماس بۇرىن ا.بالايەۆا اتالعان قاعيدالار جەرگىلىكتى اتقارۋشى ورگاندار مەن باق-تىڭ ءوزارا ءىس-قيمىل ءتارتىبىن انىقتاۋ ءۇشىن، سونداي-اق، بەيبىت جينالىستار وتكىزۋ ورىندارىندا وزدەرىنىڭ كاسىبي قىزمەتىن جۇزەگە اسىرۋ كەزىندەگى جۋرناليستەردىڭ قاۋىپسىزدىگىن قامتاماسىز ەتۋ ءۇشىن قاجەت ەكەنىن اتاپ ءوتتى.

"ءجۋرناليستىڭ كاسىبي قىزمەتىن الاڭسىز اتقارۋى ماقساتىندا جەرگىلىكتى اتقارۋشى ورگاندار ب ا ق قىزمەتكەرلەرىنە ارنالعان جەدەل باسپاسوز-ورتالىقتارىمەن قامتاماسىز ەتەدى"، - دەپ اتاپ ءوتتى ول.

مينيستر جاڭا قاعيدادا جەرگىلىكتى اتقارۋشى بيلىك وكىلدەرىنىڭ باق-پەن ءوزارا ءىس-قيمىلى بويىنشا فۋنكسيالار ەنگىزىلگەنىن، سونداي-اق ەرەكشەلىك بەلگىلەرىنىڭ تۇرلەرىن بەكىتۋ قاراستىرىلعانىن ايتتى.

ونلاين-تالقىلاۋ بارىسىندا "ءادىل ءسوز" ءسوز بوستاندىعىن قورعاۋ حالىقارالىق قورىنىڭ پرەزيدەنتى ت. قالەيەۆا، Informburo.kz اقپاراتتىق پورتالىنىڭ باس رەداكتورى م. دوروفەيەۆ، Internews Network قازاقستانداعى وكىلدىگىنىڭ زاڭگەرى و.ديدەنكو، "الماتى" تەلەارناسىنىڭ باس ديرەكتورى ن. مۇحامەدجانوۆا، "چەلوۆەك ي زاكون" گازەتىنىڭ باس رەداكتورى م. ءباشىموۆ وزدەرىنىڭ ناقتى ۇسىنىستارى مەن ەسكەرتپەلەرىن جەتكىزدى.

ءسوز سويلەگەندەر ەرەكشە بەلگىلەردىڭ تۇرلەرىنە، جەدەل باسپا ءسوز ورتالىعىنىڭ اۋماعىندا دا، ودان تىس جەرلەردە دە جۋرناليستەردىڭ ەركىن ءجۇرىپ-تۇرۋىن قامتاماسىز ەتۋگە، رەداكسيالىق تاپسىرمانىڭ بولۋىنا، جەرگىلىكتى اتقارۋشى ورگانداردىڭ وكىلدەرىنە دە وسى قاعيدانىڭ ەرەجەلەرىن ءتۇسىندىرۋدىڭ ماڭىزدىلىعىنا قاتىستى ءوز پىكىرلەرى مەن ۇسىنىستارىن ايتتى.

جالپى تالقىلاۋعا ۇسىنىلعان قاعيدا جوباسىن كەزدەسۋگە قاتىسۋشىلار تولىق قولدادى.

ونلاين-تالقىلاۋدى قورىتىندىلاي كەلە، ا. بالايەۆا ۇەۇ مەن وڭىرلىك ب ا ق وكىلدەرىنىڭ بارلىق ۇسىنىستارى مەن ەسكەرتۋلەرى ەگجەي-تەگجەيلى زەردەلەنەتىنىن جانە ەسكەرىلەتىندىگىن، ال جوبا ارى قاراي تالقىلاۋ ءۇشىن نورماتيۆتىك-قۇقىقتىق اكتىلەردىڭ اشىق پورتالىندا جاريالاناتىنىن اتاپ ءوتتى.