ق ر ەكولوگيا، گەولوگيا جانە تابيعي رەسۋرستار ءمينيسترى ماعزۇم مىرزاعالييەۆ ءوز-وزىن وقشاۋلادى. ول كوروناۆيرۋس جۇقتىرعان ق ر دەنساۋلىق ساقتاۋ ءمينيسترى ەلجان بىرتانوۆپەن بايلانىستا بولعان.
"ماعزۇم مارات ۇلى وتكەن جۇما كۇنى دەنساۋلىق ساقتاۋ مينيسترىمەن بىرگە ۇشىپ كەلدى. سوندىقتان بايلانىستا بولعان تۇلعا رەتىندە ول ۇيىندە وقشاۋلاندى. مينيستر تەست تاپسىردى، ناتيجەسى تەرىس. اپتا سوڭىندا تاعى تاپسىراتىن بولادى. دەگەنمەن، ول بارلىق جۇمىس جينالىستارىن، كەلىسسوزدەردى ونلاين رەجىمدە وتكىزىپ جاتىر" دەپ حابارلادى سەيسەنبىدە مينيسترلىكتىڭ باسپا ءسوز قىزمەتى.
قازىرگى كەزدە كورونوۆيرۋس جۇقتىرعان مينيسترمەن بايلانىستا بولعان اسقار مامين، بەردىبەك ساپاربايەۆ، اسحات ايماعامبەتوۆ وقشاۋلانعان. تاپسىرعان تەست ناتيجەلەرى تەرىس شىققان.
پىكىر قالدىرۋ