ق ر دەنساۋلىق ساقتاۋ مينيسترلىگى تاۋارلار مەن كورسەتىلەتىن قىزمەتتەردىڭ ساپاسى مەن قاۋىپسىزدىگىن باقىلاۋ كوميتەتىنە قاراستى «ۇلتتىق دارىلىك زاتتار مەن مەديسينالىق بۇيىمداردى ساراپتاۋ ورتالىعى» باسقارماسىنىڭ ءتوراعاسى ارنۇر نۇرتايەۆ ۆاكسيناسيا جاساۋ ءۇشىن قۇرامىنا ءتۇرلى ستابيليزاتورلار، يناكتيۆاتورلار مەن ۆيرۋستاردى قاجەت ەتەتىن وتە كۇردەلى بيولوگيالىق رەاكسيا قاجەت ەكەنىن ايتتى. ونىڭ سوزىنشە، بۇل –  ۆيرۋستى يناكتيۆاسيالاۋ ءۇشىن پايدالانىلادى. 

–  تاعى ءبىر ماڭىزدى ماسەلە – ۆاكسيناداعى ءىزى بار فورمالدەگيدتەر مولشەرىنىڭ ازدىعى سونشا، ءسىز ونى ۆاكسينادان گورى سۋ نەمەسە ازىق-تۇلىك ارقىلى كوپتەپ قابىلدايسىز. ءتۇرلى زەرتتەۋلەر جۇرگىزىلمەيدى دەگەن قاتە تۇسىنىك بار، زەرتتەۋ ءجيى جۇرگىزىلەدى. ۆاكسينا جاساۋ كەزىندە قولدانىلاتىن ءتۇرلى زاتتار ءقاۋىپسىز. قازاقستاندا قازىرگى تاڭدا ۆاكسينا ساپاسىنا قاتىستى باقىلاۋ ءتيىستى دارەجەدە ەمەس دەگەنگە ايتارىم، بۇگىندە قازاقستانداعى زەرتحانا ەۋروپالىق ساپا ستاندارتىنا ساي كەلەدى. ۆاكسينا ساپاسى ەۋروپادا قالاي تەكسەرىلسە، بىزدە دە ءدال سولاي تەكسەرىلەدى. ءبىز زەرتحانادا ۆاكسيناداعى بارلىق اديۋۆانتتار مولشەرىن، فورمالدەگيدتەر كورسەتكىشىن سارالايمىز جانە ولاردىڭ مولشەرى از ەكەنىن ناقتى ايتا الامىز، - دەدى ول.