اقتوبەلىك ۆولونتەرلار «Biz Birgemiz» رەسپۋبليكالىق اكسياسى اياسىندا 10 مىڭعا جۋىق وتباسىعا كومەك كورسەتكەن. جاستاردىڭ بۇل ەڭبەگى ەلەۋسىز قالعان جوق. بۇگىن پارتيانىڭ اقتوبە وبلىستىق فيليالى ءتوراعاسى، وبلىس اكىمى وڭداسىن ورازالين ەڭ بەلسەندىلەرىن ەلىمىزدىڭ تۇڭعىش پرەزيدەنتى نۇرسۇلتان نازاربايەۆتىڭ اتىنان العىس حاتتارمەن ماراپاتتادى.

سالتاناتتى شارا بارىسىندا وڭداسىن ورازالين «Jas Otan» جاستار قاناتى 500-دەن استام ەرىكتىنى يگى ىستەرگە جۇمىلدىرىپ، جالعىز باستى قاريالارعا، ەرەكشە قاجەتتىلىكتەرى بار ازاماتتارعا جانە تۇرمىسى تومەن كوپبالالى وتباسىلارعا ازىق-تۇلىك سەبەتتەرىن، ماسكالار مەن ەڭ قاجەتتى زاتتاردى جەتكىزىپ بەرگەنىن اتاپ ءوتتى. ودان باسقا جاسوتاندىقتار ماقتارال اۋدانى تۇرعىندارىنا قاجەتتى  زاتتاردى  جونەلتۋگە قول ۇشىن سوزعان.

وڭداسىن ورازالين ق ر تۇڭعىش پرەزيدەنتى – ەلباسى، پارتيا ءتوراعاسى  ن.ءا.نازاربايەۆتىڭ باستاماسىمەن «Birgemiz» رەسپۋبليكالىق قوعامدىق قورىنان مۇقتاج جاندارعا قولداۋ كورسەتىلگەنىن ايتتى. بۇگىنگە دەيىن وبلىس قالالارىنىڭ 24 مىڭنان استام  تۇرعىنى 50 000 تەڭگەدەن جالپى سوماسى 1،2 ملرد تەڭگە كومەك العان. الداعى ۋاقىتتا بۇل كومەكپەن العا، ايتەكە بي، بايعانين، ىرعىز، قوبدا، قارعالى، مارتۋك، تەمىر جانە ويىل اۋداندارىنا قاراستى 20 اۋىلدىق ەلدى مەكەننىڭ 4،5 مىڭعا جۋىق  تۇرعىنىن قامتۋ قاراستىرىلۋدا.

-قوعامدىق قوردىڭ كومەگى از قامتىلعان وتابىسىلارعا، مۇگەدەكتەرگە، جالپى كومەككە مۇقتاج ادامدارعا ۇلكەن دەمەۋ بولدى. ول ەلباسىنىڭ پارتيانىڭ ليدەرى رەتىندە بەرگەن تاپسىرماسىنا سايكەس ىستەلگەن جۇمىس. ەرىكتىلەرىمىزدىڭ دەمالىس كۇندەرىنە قاراماي، ەلەۋلى ەڭبەك ەتكەندەرىنىڭ ارقاسىندا قۇنى 152 ملن. تەڭگەنىڭ ازىق-تۇلىگى مۇقتاج جاندارعا تاراتىلدى. ونىڭ ءبارىن ۇلەستىرگەن، جەتكىزگەن وزدەرىڭىزسىزدەر، - دەدى پارتيانىڭ اقتوبە وبلىستىق فيليالى ءتوراعاسى.

وسى اپتانىڭ ىشىندە نۇرسۇلتان نازاربايەۆتىڭ العىس حاتتارىمەن رەسپۋبليكا بويىنشا ءۇش مىڭداي قازاقستاندىق ماراپاتتالادى. ولاردىڭ اراسىندا اقتوبەدەن 300 ەرىكتىلەر مەن بەلسەندىلەر بار.

-ماعان قازاق حالقىنىڭ وسىنداي قيىن كەزدە ۇيىمشىلدىعى ۇنايدى. بۇگىنگى تىرلىگىمىز «اسار» ءداستۇرىنىڭ جارقىن كورىنىسى. ءبىز ءۇش بويى تۇراقتى تۇردە قيىندىققا تاپ بولعان وتباسىلارعا ازىق تۇلىك، مەديسينالىق ماسكالار تاراتتىق. بۇل يگى ءىستى ءالى دە جالعاستىرامىز. ەڭبەكتەنۋدى ەرتە باستاعان اۋدان جاستارى قيىندىقتان قورىقپايدى، تايسالمايدى. ءبىز  ءاردايىم ەلباسىنىڭ باستاماسىمەن ەلىمىزدىڭ گۇلدەنۋ جولىندا ەڭبەكتەنۋگە دايارمىز، - دەپ مارتوك اۋدانىنان كەلگەن ۆولونتەر ارتەم رايزيح ءوز ويىمەن ءبولىستى.