22 ماۋسىم مەن 6 شىلدە ارالىعىندا "الماتى جاستارى 3.0" باعدارلاماسى اياسىندا تۇرعىن ءۇي ساتىپ الۋ ءۇشىن جەڭىلدەتىلگەن تۇرعىن زاەمدارىن الۋعا وتىنىشتەر مەن قۇجاتتار قابىلدانادى. بۇل تۋرالى قالالىق ءتۇرعىن-ۇي ساياساتى باسقارماسىنىڭ سايتى حابارلادى.
الماتى قالاسىنىڭ اكىمى ب. ساعىنتايەۆتىڭ تاپسىرماسىننا ساي قۇجات تاپسىرۋشىلار مەن ولاردىڭ وتباسى مۇشەلەرىنەن الماتى قالاسىندا تۇراقتى تىركەۋى بولۋى جونىندەگى تالاپ الىنىپ تاستالدى.
سونىمەن قاتار، الدىڭعى قابىلداۋدا الماتى قالاسىندا تۇراقتى تىركەۋدىڭ بولماۋىنا بايلانىستى قابىلدانباعان وتىنىشتەر قايتا قاراستىرىلادى.
باعدارلاماعا قاتىسۋ ءۇشىن ءوتىنىشتى almaty-zhastary.kz سايتى ارقىلى تاپسىرۋ قاجەت. ول ءۇشىن ەلەكتروندىق سيفرلىك قولتاڭبا (ەسق) بولۋى مىندەتتى.
باعدارلاما شەڭبەرىندە 13 ملن تەڭگەگە دەيىن قارىز بەرىلەدى. جىلدىق پايىزدىق مولشەرلەمە 5 پايىزدى قۇرايدى. باستاپقى جارنا ءۇي سوماسىنىڭ 10 پايىزىن قۇراۋعا ءتيىس. پاتەردى جاڭا ۇيلەردەن دە ەسكى ۇيلەردەن دە تاڭداۋعا بولادى.
قاتىسۋشارعا قويىلاتىن نەگىزگى تالاپتار:
- ءوتىنىش بەرۋشى قۇجات تاپسىرعان ساتتە 35 جاستان اسپاۋى كەرەك؛
- ۇمىتكەر مەن ونىڭ وتباسى مۇشەلەرىنىڭ اتىندا سوڭعى 5 جىلدا ءۇي بولماۋى كەرەك؛
- قاتىسۋشىنىڭ رەسمي جۇمىس ءوتىلى تومەندەندەگى ساناتتار بويىنشا الماتى قالاسىندا كەم دەگەندە سوڭعى 6 ايدى قۇراۋى مىندەتتى: (دەنساۋلىق ساقتاۋ، ءبىلىم بەرۋ، مادەنيەت، سپورت، جوو-لار جانە عزي، جۋرناليستەر، الەۋمەتتىك سالا).
پىكىر قالدىرۋ