الماتىدا بىرنەشە ەكولوگيالىق جوبا جۇزەگە اسىرىلادى. بۇل تۋرالى قالا اكىمدىگىنىڭ باسپا ءسوز قىزمەتى حابارلادى.
ونلاين-بريفينگ بارىسىندا الماتى قالالىق جاسىل ەكونوميكا باسقارماسىنىڭ باسشىسى ناتاليا ليۆينسكايا قالاداعى ەكولوگيالىق جاعدايدى جاقسارتۋ بويىنشا بىرنەشە جوبا ازىرلەنگەنىن جانە ونى جۇزەگە اسىرۋ جۇمىستارى قولعا الىنعانىن اتاپ ءوتتى.
– ءبىز كارانتين كەزىندە جۇمىس ىستەگەن بلوكپوست تۇرعان جەرلەردە ەكوپوستتاردى ىسكە قوسۋدى جوسپارلاپ وتىرمىز. سونداي-اق ۆەلوجولداردى 28 شاقىرىمعا ۇزارتۋ كوزدەلىپ وتىر جانە قوعامدىق كولىك ءۇشىن بولىنگەن جولاقتاردى ۇلعايتامىز. سونىمەن قاتار، جاقىن ارادا قالانى ارالاپ ءجۇرىپ پايدالانىلعان گازدى ولشەيتىن ءموبيلدى زەرتحانالاردى ىسكە قوسامىز، – دەدى باسقارما باسشىسى.
– ايتا كەتەيىك، ۋنيۆەرسيتەتتەر دە، مەكتەپتەر دە، بيزنەس ورتالىقتارىن دا، كەڭسەلەر دە، مەملەكەتتىك ورگانداردا دا ەكوپوست بولادى. وندا قاعاز، پلاستيك قالدىقتارى مەن شىنى ىدىستاردى جيناۋ پۋنكتتەرى ۇيىمداستىرىلادى. بۇدان بولەك، ەكولوگيالىق بىرلەستىكتەر، عالىمدار، قىزىعۋشىلىق تانىتقان تۇرعىنداردان تۇراتىن جۇمىس توبى قۇرىلدى، – دەدى ناتاليا ليۆينسكايا.
بۇعان دەيىن، باسقارما باسشىسى 2025 جىلعا قاراي «الماتى جىلۋەلەكتر ورتالىعىنىڭ» تابيعي گازعا ءوتۋى اۋاعا تارالاتىن زياندى زاتتاردىڭ مولشەرىن 48،4 مىڭ تونناعا دەيىن ازايتاتىنى تۋرالى ايتقان بولاتىن.
