الماتى قالاسىنداعى ۇلى وتان سوعىسى ارداگەرلەرى اۋرۋحاناسى عيماراتىنىڭ الدىندا ورتالىققا اسقازانىن ەمدەتۋگە كەلگەن ادامبەك بايىروۆ ەسىمدى زەينەت جاسىنداعى ازامات قايتىس بولدى.
مارقۇم جاقىندارى اۋعان سوعىسىنىڭ ارداگەرى جاسالعان ەكپەدەن كەيىن كوز جۇمعانىن ايتۋدا.
سوزدەرىنشە، زەينەتكەر ارقاسىنان تارتىپ تۇرعانىنا شاعىمدانعانى بولماسا، اۋرۋحاناعا ءوز اياعىمەن كەلگەن. كىرەردە ناۋقاستىڭ دەنە تەمپەراتۋراسى قالىپتى بولعان. ەكى كۇن بۇرىن عانا COVID-19-عا تاپسىرعان تەست ناتيجەسى تەرىس شىعىپتى.
اۋرۋحانا قىزمەتكەرلەرى ناۋقاسقا پوليكلينيكادا ورىن جوق ەكەنىن ايتىپ، اۋرۋدى باسۋ ءۇشىن نو-شپا ءدارىسىن ەككەن. اۋرۋحانادان شىققان سوڭ ارداگەردىڭ جاعدايى كۇرت ناشارلاپ، دەم جەتپەي باستاپتى.
جاقىندارى "وسى ساتتە شاقىرعان جەدەل جاردەم ۇزاق ۋاقىت بويى كەلمەدى، دارىگەرلەر كومەكتەسۋگە اسىقپادى" دەپ وتىر.
مارقۇمنىڭ بالاسى اكەسى "وسىدان ەكى كۇن بۇرىن عانا تەكسەرىلگەن، ول كەزدە دەنساۋلىعىندا كىنارات بولماعان" دەگەن پىكىردە.
ارداگەردىڭ تاعى ءبىر ۇلى اكەسىنىڭ ولىمىنە "دارىگەرلەر كىنالى" دەپ سانايدى.
اۋرۋحانا قىزمەتكەرلەرىمەن سويلەسۋ مۇمكىن بولمادى. ەسىكتى ىشتەن ءىلىپ العان، ەشكىمدى كىرگىزبەيدى، ەشكىم تۇسىنىك بىلدىرمەيدى.
ال مارقۇمنىڭ دەنەسىن تەكسەرۋ ءۇشىن ءمايىتحاناعا الىپ كەتتى.
پىكىر قالدىرۋ