پارلامەنتتىڭ ءماجىلىس جانە سەنات ءتوراعالارى نۇرلان نىعماتۋلين مەن ماۋلەن اشىمبايەۆ كوروناۆيرۋستان قايتىس بولعان قازاقستاندىقتاردى ەسكە الدى.
بۇگىن ءماجىلىس پەن سەنات عيماراتتارىنداعى مەملەكەتتىك تۋ تومەن ءتۇسىرىلدى.
مەملەكەت باسشىسى قاسىم-جومارت توقايەۆ جاريالاعان جالپىۇلتتىق ازا تۇتۋ كۇنىندە پارلامەنتتە كوروناۆيرۋس ىندەتىنەن قۇربان بولعان ازاماتتارعا ارنالعان ەسكە الۋ ءراسىم ءوتتى.
پارلامەنتتىڭ ءماجىلىس جانە سەنات ءتوراعالارى نۇرلان نىعماتۋلين مەن ماۋلەن اشىمبايەۆ بارلىق دەپۋتاتتىق كورپۋس اتىنان كوروناۆيرۋس ىندەتىنەن قايتىس بولعان قازاقستاندىقتاردى ءبىر مينۋتتىق ۇنسىزدىكپەن ەسكە الدى.
قازاقستان رەسپۋبليكاسى پارلامەنتىنىڭ دەپۋتاتتارى كوروناۆيرۋس ىندەتى سالدارىنان تۋىستارى مەن جاقىندارىنان ايىرىلعان قازاقستاندىقتاردىڭ قايعىلارىنا ورتاقتاسا وتىرىپ، كوڭىل ايتادى.
پىكىر قالدىرۋ