قازاقستاندا كوروناۆيرۋسقا بايلانىستى كاراتين رەجيمى تاعى ەكى اپتاعا سوزىلادى. بۇل تۋرالى ەل پرەزيدەنتى قاسىم-جومارت توقايەۆ twitter پاراقشاسىندا حابارلادى.
"ەلىمىزدەگى ەپيدەميولوگيالىق احۋالعا بايلانىستى كارانتين رەجيمى تاعى ەكى اپتاعا سوزىلىپ، شىلدەنىڭ سوڭىنا دەيىن جالعاسادى. ەرتەڭ ۇكىمەتتىك كوميسسيا شەشىم قابىلدايدى. ازاماتتارىمىز دەنساۋلىعىن ساقتاۋ ءۇشىن كارانتيننىڭ نەگىزگى تالابى – ءوزىن-وزى وقشاۋلاۋ شاراسىن قاتاڭ ۇستانۋى قاجەت" دەپ جازدى توقايەۆ.
ەلدە كوروناۆيرۋسقا بايلانىستى ەڭ العاش رەت ناۋرىز ايىندا توتەنشە جاعداي جاريالانىپ، قالالار كارانتينگە جابىلعان. كەيىن، ەكى ايعا جۋىق ۋاقىتتان كەيىن توتەنشە جاعداي الىنىپ، كارانتين شارالارى جەڭىلدەتىلدى. ماۋسىم ايىندا ەلدە كوروناۆيرۋس ءورشىپ، بيلىك 5 شىلدەدەن باستاپ ەكى اپتاعا قاتاڭ كارانتين جاريالادى. ءبىراق ەلدە ۆيرۋس ءالى ءورشىپ تۇر. ءقازىر ۆيرۋس جۇقتىرعاندار سانى 60 مىڭعا جۋىقتادى.
پىكىر قالدىرۋ