قازاقستانداعى پنيەۆمونيا داۋىنان كەيىن ۇلىبريتانيا سىرتقى ىستەر مينيسترلىگى COVID-19 ىندەتى باقىلاۋعا الىنعان ەلدەردىڭ جاڭارتىلعان تىزىمىنە قازاقستاندى قوسپادى. سونداي-اق قازاقستانعا كىرۋگە شەكتەۋ بار ەكەنىن جەتكىزىپ، ەلگە ساپارلاعىسى كەلەتىندەرگە كەڭەس بەردى. 

– قازاقستان بيلىگى ەلگە كىرۋگە قاتاڭ شەكتەۋلەر ەنگىزدى جانە قازىرگى ۋاقىتتا شەتەل ازاماتتارىنىڭ كوپشىلىگىنىڭ قازاقستانعا كىرۋىنە رۇقسات جوق، – دەپ جاريالانعان نۇسقاۋلىقتا.

جاڭارتىلعان كەڭەس بويىنشا، قازاقستانعا كىرگەن شەتەلدىكتەر 14 كۇن وقشاۋلاناتىنى، سونداي-اق جەرگىلىكتى بيلىك ورگاندارىنا بايلانىس مالىمەتتەرىن جانە ساپار باعىتىن ۇسىنۋى كەرەك ەكەنى ەسكەرتىلگەن. 

بىرىككەن كورولدىكتىڭ سىرتقى ىستەر مينيسترلىگى بريتانيالىق ازاماتتارعا ماڭىزدى حالىقارالىق ساپارلار بولماسا، شەتەلگە شىقپاۋعا كەڭەس بەرگەن.

اقپاراتقا سايكەس، نۇسقاۋلىق COVID-19 ىندەتى باقىلاۋعا الىنعان ەلدەردى ەسەپكە الۋ ءۇشىن جاڭارتىلعان.

كەڭەستە "ۇلىبريتانيا بيلىگى فرانسيا، يسپانيا، گەرمانيا جانە جاپونيا سياقتى ءبىرقاتار ەلدەرگە باراتىن ازاماتتارعا قارسىلىق بىلدىرمەيدى" دەلىنگەن.