دەنساۋلىق ساقتاۋ ۆيسە-مينيسترى ليۋدميلا بيۋرابەكوۆا ورتالىق كوممۋنيكاسيالار قىزمەتىندە وتكەن بريفينگتە شىمكەنتتە كوروناۆيرۋس قۇرباندارىن ەسكە الۋ اكسياسىنا قاتىسقان دارىگەرلەر جازالانبايتىنىن ايتتى.
ونىڭ ايتۋىنشا، دەنساۋلىق ساقتاۋ مينيسترلىگى ىندەت قۇرباندارىن ەسكە الۋعا ارنالعان فلەشموبقا باستاماشى بولماعان.
– پاندەميادان كوز جۇمعانداردى ەسكە الۋ ءاربىر ازاماتتىڭ پارىزى دەپ سانايمىن. ال دارىگەرلەردىڭ اكسياعا قاتىسۋى – مەديسينا قىزمەتكەرلەرى قاۋىمداستىعىنىڭ باستاماسى. دەنساۋلىق ساقتاۋ مينيسترلىگى رەتىندە ءبىز تەك سانيتارلىق نورمالاردىڭ ساقتالۋىن ەسكەرتتىك. اراقاشىقتىقتى ساقتاپ، ماسكا كيۋىن قاداعالادىق. مەنىڭشە، بۇل جەردە جازا تاعايىنداۋ تۋرالى ماسەلە بولماۋى كەرەك، – دەدى بيۋرابەكوۆا.
پىكىر قالدىرۋ