ەڭبەك جانە حالىقتى الەۋمەتتىك قورعاۋ ءمينيسترى ءبىرجان نۇرىمبەتوۆ 42 500 تەڭگەگە ءوتىنىش قاي ۋاقىتقا دەيىن قابىلدانادى جانە قاي ساناتتاعى ازاماتتارعا بەرىلەتىنىن ايتتى.
– ەرتەڭنەن باستاپ شىلدە ايىنا 42500 تەڭگە تولەۋ جونىندە ءوتىنىم قابىلداۋدى باستايمىز. مۇنداعى جالپى نەگىزگى قاعيدات – بۇل تولەم جۇمىس ىستەپ جۇرگەن جانە كارانتيننىڭ كۇشەيتىلگەن شارالارىنا قاتىستى تابىسىنان ايىرىلعاندارعا تولەنەدى. بىرىنشىدەن، بۇل جاردەماقى كارانتيندىك شەكتەۋلەرگە قاتىستى اقىسىز دەمالىسقا جىبەرىلگەن جالدامالى جۇمىسكەرلەرگە بەرىلەدى. بۇل جەردە ءوتىنىشتى تەك جۇمىس بەرۋشى جىبەرەدى. جۇمىس بەرۋشىلەرگە قويىلاتىن ءبىر عانا شارت – ولاردىڭ جۇمىسى كارانتيندە توقتاپ قالسا عانا بەرىلەدى. ونى جەرگىلىكتى اۋدان، قالا بويىنشا شتاتتار، اتامەكەن ۇكپ وڭىرلىك وكىلدەرى تەكسەرەدى. سەبەبى، قازىرگى شەكتەۋ شارالارى جەڭىلدەۋ بولعانىمەن، ءار وڭىردە باس سانيتارلىق دارىگەرلەر ءوز شەكتەۋلەرىن قويىپ جاتىر، – دەدى مينيستر ورتالىق كوممۋنيكاسيالار قىزمەتىندە وتكەن بريفينگتە.
ونىڭ ايتۋىنشا كارانتيندە جۇمىسى توقتاپ قالعان جەكە كاسىپكەرلەر، جەكە پراكتيكامەن اينالىساتىندارعا 42500 تەڭگە تولەنەدى. ونى اۋدان، قالاداعى شتاب پەن سالىق كوميتەتىنىڭ وكىلدەرى بەلگىلەيتىن بولادى.
جالدامالى قىزمەتكەر بولىپ تابىلمايتىن، تولەم تاعايىنداۋعا جاتاتىن ازاماتتار:
- egov.kz – «ەلەكتروندىق ۇكىمەتتىڭ» ۆەب-پورتالى؛
- 42500.enbek.kz پورتالى؛
- «ەلەكتروندىق ۇكىمەت» telegram-bot-ى؛
- Aitu مەسسەندجەرىندە42500.enbek.kz قوسىمشاسى؛
- ەكىنشى دەڭگەيدەگى بانكتەردىڭ ءموبيلدى قوسىمشالارى مەن ينتەرنەت-رەسۋرستارى ارقىلى ءوتىنىش بەرە الادى.
مينيستر 42 500 تەڭگەگە وتىنىشتەردى قابىلداۋ 2020 جىلدىڭ 1 قىركۇيەگىنە دەيىن جالعاساتىنىن اتاپ ءوتتى.
پىكىر قالدىرۋ