ءۇندىستاننىڭ كاشمير قالاسىنىڭ 55 جاستاعى تۇرعىنى جۇمىسقا بارا جاتقاندا ايۋدىڭ شابۋىلىنا ۇشىراپ، اۋىر جاراقات العان. بۇل تۋرالى The Mirror گەزەتى حابارلادى.
وقيعا 9 شىلدەدە ورتالىق كاشميردەگى بۋدگام اۋدانىنداعى شوپليان حاگ ايماعىندا بولعان. گۋلام كادير شەيح ەسىمدى ادامنىڭ كاشميردەگى شوپليان-حاگ تۇرعىنى ەكەنى انىقتالعان.
ول ۇيىنەن شىعىپ، جۇمىسىنا كەلە جاتقاندا، ايۋ شابۋىل جاساپ، اۋىر جاراقات العان.
ۆيدەودان گۋلامنىڭ ايۋدان قۇتىلۋعا تىرىسقانىن كورۋگە بولادى، ول ايۋدى جۇلقىلاپ، قاشىپ كەتۋگە تىرىسقان. زارداپ شەگۋشىگە تاعى ءبىر ادامنىڭ كومەكتەسىپ، ايۋدى تاياقپەن ۇرعانى دا بايقالادى.
گۋلام جاقىن ماڭداعى اۋرۋحاناعا جەتكىزىلگەن، سودان كەيىن ءارى قاراي كۇردەلى ەمدەۋ ءۇشىن سريناگارداعى اۋرۋحاناعا جىبەرىلگەن.
وتكەن اپتادا يتاليادا دا وسىنداي وقيعا بولعان. ەكى ساياحاتشى ايۋدىڭ شابۋىلىنا ۇشىراعاننان كەيىن، ايۋ ءولىم جازاسىنا كەسىلگەن.
پىكىر قالدىرۋ