"وڭتۇستىك جۇڭگو تەڭىزىندەگى شيەلەنىسكە بايلانىستى جاقىندا جۇڭگو مەن اقش اراسىندا سوعىس باستالۋى مۇمكىن" دەپ مالىمدەدى BBC. بۇل تۋرالى قامشى ءتىلشىسى حابارلايدى.
BBC-دىڭ جۇڭگو جونىندەگى ءساراپشى-جۋرناليستى چاويين فەننىڭ ايتۋىنشا، ەكى دەرجاۆا اراسىنداعى شيەلەنىس ءقازىر "سەمسەردىڭ جۇزىندەي" وتكىر بولىپ تۇر. سوڭعى كەزدەرى گونكونگ پەن Huawei كومپانياسى ماسەلەسىنە بايلانىستى اقش پەن جۇڭگو اراسىنداعى قايشىلىق كۇشەيە ءتۇستى، ءبىراق ساراپشى BBC-گە وڭتۇستىك جۇڭگو تەڭىزى اسكەري قاقتىعىستاردىڭ ەڭ ىقتيمال ايماعى ەكەنىن ايتتى. وسى اپتادا اقش مەملەكەتتىك حاتشىسى مايك پومپەو پەكيننىڭ وڭتۇستىك جۇڭگو تەڭىزىندەگى "قورلاۋىنا" قاتىستى ۆاشينگتون قاتاڭ ۇستانىمدا بولاتىنىن جاريالاعاننان كەيىن جۇڭگو اقش-تى "شيەلەنىستى قوزدىردى" دەپ ايىپتاعان.
– پەكيننىڭ (قايتارما) نۇسقالارىنىڭ ءبىرى – سانكسيالار سالۋ نەمەسە اقش كومپانيالارىن قارا تىزىمگە ەنگىزۋ... الايدا Apple جانە Microsoft سياقتى اقش كومپانيالارى قىتايلىقتاردىڭ كۇندەلىكتى ومىرىنە تەرەڭ ەنىپ كەتكەنى پروبلەما بولىپ وتىر، سوندىقتان بۇل قادام قىتايعا دا زيان تيگىزەدى، – دەيدى چاويين فەن.
ءجۋرناليستىڭ ويىنشا، پەكيننىڭ باسقا تاسىلدەرمەن كەك قايتارۋى باتىسقا ءقاۋىپ ءتوندىرۋى مۇمكىن. ونىڭ پىكىرىنشە، اقش-تىڭ وڭتۇستىك جۇڭگو تەڭىزىندەگى ءىس-قيمىلدارى قىتايدى قۇلاتۋ ارەكەتى رەتىندە قاراستىرىلادى.
پەكين داۋلى ايماقتار ءۇشىن تالاستا قاتاڭ رەاكسياعا بارۋى ىقتيمال.
– ەكى ەلدىڭ ساۋدا نەمەسە گونكونگ تۋرالى قايشىلىقتارى بار، ءبىراق وڭتۇستىك جۇڭگو تەڭىزى ماسەلەسىندە ەكى دەرجاۆا سوعىسقا بارۋى مۇمكىن، – دەيدى ساراپشى.
BBCء-دىڭ ۆاشينگتونداعى كوررەسپوندەنتى گاري و'دونوگۋ دا ساراپشىنىڭ پىكىرىنە كەلىسەتىنىن جەتكىزىپ، ەكى ەلدىڭ قارىم-قاتىناسى "باقىلاۋدان شىعىپ" كەتكەنى ايتىلعان.
بۇعان دەيىن وڭتۇستىك جۇڭگو تەڭىزىندە اقش پەن جۇڭگو اسكەري كۇشتەرى ءبىر ۋاقىتتا جاتتىعۋ وتكىزىپ جاتقانى حابارلانعان. جۇڭگو شىلدەنىڭ باسىندا پاراكەل ارالدارى ماڭىنا سوعىس كەمەلەرىن جىبەرگەن. كەيىنىرەك، ۆاشينگتون دا پاراكەل ارالدارى ماڭىنا اسكەري ۇشاقتار تاسىمالداۋشىلارىن جىبەردى. امەريكا وعان قوسا، يادرولىق بوملالاۋشىسىن دا جونەلتكەن. ايماقتا اقش جانە جاپون كەمەلەرى بىرگە ارەكەت ەتۋدە.
ال قىتايلىق گلوبال تايمس باسىلىمى بەيجىڭنىڭ "كيللەر زىمىراندارى" اقش سوعىس ۇشاقتارىن تاسىمالداۋشىلارعا سوققى بەرەتىنىن ەسكەرتكەن.
كەيىنىرەك، وڭتۇستىك جۇڭگو تەڭىزىندەگى اقش-جاپونيا بىرىككەن اسكەري كۇشتەرىنە قولداۋ كورسەتۋ ءۇشىن ۇلىبريتانيانىڭ سوعىس ۇشاقتارىن تاسمالداۋشى كەمەلەرى مەن جويعىشتارىنىڭ جىبەرىلەتىنى حابارلانعان.
اسكەري ساراپشىلار ەكى ەلدىڭ كوپتەگەن جويعىشتارى مەن كەمەلەرىنىڭ وتە جاقىن قاشىقتىقتا جاتتىعۋ وتكىزۋى اسكەري قاقتىعىس ءقاۋپىن كۇشەيتەتىنىن مالىمدەگەن.
اقش اسكەري-تەڭىز كۇشتەرى "USS Nimitz" جانە "USS Ronald Reygan" سوعىس ۇشاقتارىن تاسىمالداۋشى كەمەلەرى 4 جانە 6 شىلدە ارالىعىندا داۋلى سۋ جولىندا وپەراسيالار جاساپ جانە اسكەري جاتتىعۋلار وتكىزىپ، 17 شىلدە ايماققا ورالعانىن حابارلادى.
كەيىنىرەك، جەرسەرىكتەن تۇسىرىلگەن سۋرەتتەر بەيجىڭنىڭ وڭتۇستىك جۇڭگو تەڭىزىندەگى داۋلى ارالدارعا ءتورت جويعىش ۇشاعىن جىبەرگەنىن كورسەتكەن.
پىكىر قالدىرۋ