"Forbes Billionaire تىزىمىندە يلون ماسكتىڭ اققان جۇلدىز جىلدامدىعىنداي جوعارىلاۋى وسى ايدا دا جالعاسىن تاپتى" دەپ حابارلايدى Forbes.com. دۇيسەنبى كۇنى تۇستەن كەيىن ماسكتىڭ بايلىعى 74 ميلليارد دوللاردان اسىپ، جەر شارىنداعى بەسىنشى باي ادام اتانعان.

SpaceX جانە Tesla كومپانيالارىنىڭ باس ديرەكتورى يلون ماسكتىڭ اكسيالارىنىڭ باعالارى ناۋرىز ايىنان بەرى كوتەرىلىپ كەلەدى.

قازىرگى ۋاقىتتا ونىڭ يەلىگىندەگى Tesla الەمدەگى ەڭ قىمبات اۆتوموبيل كومپانياسى عانا ەمەس، ونىڭ نارىقتىق قۇنى Ford، Ferrari، General Motors جانە BMW كومپانيلارىنىڭ بارلىعىنىڭ جيىنتىعىنان الدەقايدا جوعارى. ەلەكتوموبيلدەر جانە بالاما ەنەرگيا كوزدەرىن شىعاراتىن كومپاننيا 304،5 ميلليارد دوللارعا باعالانعان.

وسى جىلدىڭ ناۋرىزىندا ماسك Forbesء-تىڭ ميللياردەرلەر تىزىمىندە 31ء-شى ورىندا بولاتىن. ول كەزدە ونىڭ بايلىعىن 25 ميلليارد دوللارعا باعالانعان.

"ماسكتىڭ بايلىعى سول ۋاقىتتان بەرى ءۇش ەسەگە ارتىپ، دۇيسەنبى كۇنى $ 74،2 ملرد-قا شارىقتادى" دەيدى Forbes.

بۇعان دەيىن يلون ماسكتىڭ الەم بويىنشا جەتىنشى باي ادام بولعانى حابارلانعان. سونىمەن بىرگە تەح-ميللياردەر جۇڭگو ەكونوميكاسى امەريكادان ەكى-ۇش ەسە اسىپ كەتەتىنىن مالىمدەگەن.