قازاقستانداعى زەينەتكە شىعۋ جاسى قىسقاراتىنى تۋرالى اقپارات الەۋمەتتىك جەلى مەن مەسسەندجەرلەردە تاراپ ءجۇر. ەڭبەك جانە حالىقتى الەۋمەتتىك قورعاۋ مينيسترلىگى بۇل اقپاراتتىڭ شىندىققا جاناسپايتىنىن ءمالىم ەتتى، دەپ حابارلادى Stopfake.kz.
Facebook قولدانۋشىسىنىڭ ءبىرى پاراقشاسىندا جاريالاعان سكرينشوتتا ەر ادامدار 61 جاستا، ايەلدەر 57 جاستا زەينەتكە شىعادى دەلىنگەن. ماتىنمەن بىرگە قازاقستان پرەزيدەنتىنىڭ سۋرەتى بەرىلگەن.
ەڭبەك جانە حالىقتى الەۋمەتتىك قورعاۋ مينيسترلىگى بۇل اقپارتتى جوققا شىعاردى.
"بۇل – فەيك، زەينەتكە شىعۋ جاسىنىڭ وزگەرىسى تۋرالى ەشقانداي ءسوز بولعان جوق"، دەپ مالىمدەدى مينيسترلىك.
