جاڭا وقۋ جىلىندا قاشىقتان وقۋ بارىسىندا مۇعالىمدەردىڭ جۇكتەمەسى كوبەيەدى، وسىعان بايلانىستى ولاردىڭ جالاقىسى وسە مە؟ بۇل سۇراققا ءبىلىم جانە عىلىم ءمينيسترى اسحات ايماعامبەتوۆ 21 شىلدەدە Instagram-داعى پاراقشاسىندا جاۋاپ بەردى.
ونىڭ ايتۋىنشا، بيىل جالاقى وسپەيدى. تەك قاڭتار ايىندا مۇعالىمدەردىڭ جالاقىسى 25 پايىزعا وسەدى. قىركۇيەك ايىنان باستاپ مۇعالىمدەرگە جاڭا تولەمدەر تولەنەدى. ناقتى قانداي تولەمدەر ەكەنىن مينيستر اشىپ ايتپادى.
بيىل قازاقستاندىق وقۋشىلار جاڭا وقۋ جىلىن قاشىقتان وقىپ باستايدى. ال ەكىنشى توقسانعا بايلانىستى ازىرگە شەشىم قابىلدانباعان.
مينيستر ءبارى ەپيدەميولوگيالىق احۋالعا قاراي شەشىلەتىنىن اتاپ ءوتتى.
بيىل كوكتەمدە كوروناۆيرۋس ىندەتىنىڭ تارالۋىنا بايلانىستى قازاقستاندىق وقۋشىلار مەن ستۋدەنتتەر ءتورتىنشى توقساندا قاشىقتان وقىدى.
پىكىر قالدىرۋ