الماتى قالاسىنداعى ءدارىحانالاردا دارى-دارمەك تولىقتاي جەتكىلىكتى جانە كەزەكتە تۇرعان حالىق سانى ازايدى. بۇل تۋرالى دارى-دارمەكتەردى ۇيلەستىرۋ كوورديناتورى زاڭعار سالىمبايەۆ باسپا ءسوز وكىلدەرىنىڭ قاتىسۋىمەن بولعان ارنايى رەيد بارىسىندا ايتتى.

ونىڭ سوزىنشە، ءدارىحانالاردا باقىلاۋ جۇمىستارى 29 ماۋسىمنان باستالىپ، ارنايى مونيتورينگ توپتارى تەكسەرىس جۇرگىزگەن.

– وسى ارالىققا دەيىن ءبىراز جۇمىستاردى جۇزەگە اسىردىق. بىرىنشىدەن ءىرى كومپانيالارمەن ءوندىرىس سالالارى، ءدارىحانا جەلىلەرىمەن كەلىسىمشارتقا قول قويدىق. كەلىسىمشارت بويىنشا سۇرانىسقا يە دارى-دارمەكتەردىڭ سانىن شەكتى باعادا ساتۋدى باقىلادىق. سونداي-اق وتاندىق وندىرۋشىلەر مەن ءىرى كومپانيالار كەلىسىمشارتتا كورسەتىلگەن ءدارىحانالارعا دارىلەردى جەتكىزۋدى جوسپارلاعان. بۇگىندە كەلىسىمشارت نەگىزىندە جۇمىستار جۇرگىزىلۋدە. باستاپقىدا 105 ءدارىحانانى دارى-دارمەكپەن قامتاماسىز ەتۋ بەلگىلەنگەن بولسا، ءقازىر ونىڭ سانى ءوسىپ، 369-عا جەتتى، – دەدى زاڭعار سالىمبايەۆ.

ونىڭ ايتۋىنشا مونيترونگتىك توپتار كۇندەلىكتى ءدارىحانا جەلىلەرىنە بارىپ، كارانتيندىك تالاپتاردىڭ ساقتالۋىن جانە دارى-دارمەك باعاسىنىڭ شەكتىلىگىن باقىلاپ وتىرادى.

– كەيبىر ادامدار دارى-دارمەك الىپ، ونى ونلاين تۇردە قىمبات باعادا ساتۋدا. مۇنداي زاڭبۇزۋشىلىقتاردى قۇقىق قورعاۋ ورگاندارى باقىلاپ وتىر. نارىقتى تۇراقتاندىرۋ ءۇشىن ەلگە 6 ملن-عا دارى-دارمەك الىندى. ءارى قاراي ءدارىحانالارعا قاجەتتى دارى-دارمەكتەردى جەتكىزۋ ءۇشىن تۇراقتاندىرۋ قورىنا 5 ملرد بولدىك. Call ورتالىقتارىمىزعا كوپتەگەن قوڭىراۋلار كەلەتىن، ءقازىر ازايدى. وتكەن جۇمادان باستاپ دارى-دارمەكتەرگە سۇرانىس تومەندەدى. ءىرى ءدارىحانالارعا بارىپ تەكسەرىس جاساعانىمدا ۇزىن-سونار كەزەكتە تۇرعان حالىق بولمادى. حالىققا بەرىلەتىن تەگىن دارى-دارمەكتى ەمحانادا تىركەلگەن جانە تۇرعىلىقتى مەكەنجايى بار ازاماتتار الا الادى، – دەپ اتاپ ءوتتى. 

ارنايى مونيتورينگ توپ جۋرناليستەرمەن الماتى قالاسىنىڭ №3 ءدارىحاناسىنا بارىپ، دارى-دارمەك تاپشىلىعى جانە كەزەكتى تەكسەردى.

№3 ءدارىحانا مەڭگەرۋشىسى اينۇر الماحامبەتوۆا.نىڭ سوزىنشە، ءدارىحانادا ءبىر اپتا بۇرىن ۇزىن-سونار كەزەك بولعان، ءقازىر ازايعان. COVID-19-دى ەمدەۋگە ارنالعان دارىلەر تۇگەل بار. قازىرگى ۋاقىتتا ەشقانداي ءدارى تاپشىلىعى جوق. ءدارىحانا قاجەتتى دارى-دارمەكپەن تولىق قامتىلدى. ەڭ باستىسى ءدارىحاناعا كەلگەن ادامداردىڭ دەنە قىزۋىن تەكسەرىپ، ماسكا تاعۋىن، اراقاشىقتىق ساقتاۋىن قاداعالايمىز، – دەدى ول.

"قولداۋ" كاسىپكەرلىك ورتالىعىنىڭ باس مەنەدجەرى ەرلان ساپار ۇلى بۇگىنگى كۇنگە دەيىن قالا تۇرعىندارىنان كۇنىنە قانشا قوڭىراۋ كەلىپ تۇسكەنىن ايتتى.

– ءبىز تاۋلىك بويى جۇمىس جاساپ، دارى-دارمەكتەر بويىنشا حالىققا تولىق اقپارات بەرىپ وتىردىق. قوڭىراۋ سوعۋشىلار كوبىنە دارى-دارمەكتەردىڭ باعاسىن، كولەمىن، مەكەنجايىن سۇرايدى. 14ء-شى شىلدەدە مىڭعا جۋىق قوڭىراۋ كەلىپ ءتۇستى. قازىرگى ۋاقىتتا قوڭىراۋ شالۋشىلار ازايدى. سەبەبى ءدارىحانالارعا قاجەتتى دارى-دارمەكتەر جەتكىزىلگەن. ءقازىر تاۋلىگىنە 200-250-گە جۋىق قوڭىراۋ قابىلدايمىز. ءبىز ءدارىحانالار دا سۇراعان دارىلەرى بارما جوقپا ناقتى انىقتاپ بەرەمىز. ودان بولەك دارى-دارمەكتەر جوعارى باعادا ساتىلماۋىن باقىلايمىز، – دەدى ورتالىقتىڭ باس مەنەدجەرى.