5 شىلدەدەن باستاپ كارانتين تالاپتارىن بۇزۋ بويىنشا 4،3 مىڭ دەرەك انىقتالعان. بۇل تۋرالى ق ر پرەمەر-مينيسترىنىڭ ورىنباسارى ە. توعجانوۆتىڭ توراعالىعىمەن وتكەن COVID-19 ماسەلەلەرى جونىندەگى جەدەل شتابتىڭ وتىرىسىندا ايتىلدى. 

جيىندا پاۆلودار، قىزىلوردا، قوستاناي، اقتوبە جانە باتىس قازاقستان وبلىستارىندا ولاردى انىقتاۋ بويىنشا جۇمىستىڭ جەتكىلىكسىزدىگى اتاپ ءوتىلدى.

سونداي-اق جەدەل شتاب ازاماتتاردىڭ سانيتارلىق جانە بەتپەردە رەجيمىن ساقتاۋ ماسەلەلەرىنە ەرەكشە نازار اۋداردى. 

– ءبىز ءومىردىڭ ءار ادام ءۇشىن قىمبات – ەكەندىگىنە جانە قايتالانبايتىندىعىنا باسا نازار اۋدارا وتىرىپ، قوعامنىڭ سانا-سەزىمى مەن مىنەز-قۇلقىن تۇبەگەيلى وزگەرتۋىمىز كەرەك. بىزدە ءالى كۇنگە دەيىن "ماسكا كومەكتەسپەيدى، كيمەسە دە بولادى، پايداسى جوق” دەپ ويلايتىندار بار. ادامدار ءالى كۇنگە دەيىن فاكتىلەردى ەمەس، وزدەرىنىڭ جاڭساق پىكىرلەرىن عانا باسشىلىققا الادى. ۆيرۋسپەن كۇرەس بارلىق قازاقستاندىقتاردى "ورتاق ماقسات سەزىمىمەن" بىرىكتىرۋى ءتيىس، ال كارانتين رەجيمىن بۇزعانداردى قوعام ءوزى ايىپتاۋى كەرەك. وسى جۇمىستى ۇيىمداستىرۋ مەملەكەتتىك ورگانداردىڭ مىندەتتەرىنىڭ ءبىرى، – دەپ اتاپ ءوتتى ە.توعجانوۆ. 

توعجانوۆ پاندەميا كەزىندە ازاماتتاردىڭ ءوزىن-وزى ۇستاۋ ەرەجەلەرىن ازىرلەۋدى، وڭىرلەردە كارانتين رەجيمىن بۇزۋلارعا قاتىستى كۇندەلىكتى رەيدتەر جۇرگىزۋدى جانە ءبىرقاتار باسقا دا شۇعىل تاپسىرمالاردى جۇكتەدى.