"قاشقىن زەرتتەۋشى سان-فرانسيسكوداعى كونسۋلدىقتا جاسىرىنىپ ءجۇر" دەپ جازدى BBC. بۇل تۋرالى قامشى ءتىلشىسى حابارلايدى.

اقش "ۆيزالىق الاياقتىق جاسادى جانە اسكەري بايلانىستاردى جاسىردى" دەپ كۇدىكتەنگەن جۇڭگو عالىمى سان-فرانسيسكوداعى جۇڭگو كونسۋلدىعىنا قاشىپ تىعىلعانىن مالىمدەدى.

اقش پروكۋرورلارىنىڭ سوتقا بەرگەن مالىمەتتەرى بويىنشا، امەريكاداعى باسقا جۇڭگو زەرتتەۋشىلەرى ۆيزالىق الاياقتىعى ءۇشىن قاماۋعا الىندى.

سارسەنبىدە ترامپ اكىمشىلىگى قىتايدىڭ حيۋستونداعى كونسۋلدىعىن 72 ساعات ىشىندە جابۋعا بۇيرىق بەرگەن. "ولار زياتكەرلىك مەنشىكتى ۇرلاۋعا قاتىستى" دەپ جاريالانعان.

جۇڭگو ۇكىمەتى بۇل قادامدى "ساياسي ارانداتۋشىلىق" دەپ اتادى.

ءبىراق پرەزيدەنت دونالد ترامپ جۇڭگو كونسۋلدىقتارىنىڭ كوبىن جابۋعا بۇيرىق بەرەتىنى "ءارقاشان مۇمكىن" ەكەنىن مالىمدەدى.

ءبىراز ۋاقىتتان بەرى اقش پەن جۇڭگو اراسىندا شيەلەنىس كۇشەيە ءتۇستى. پرەزيدەنت دونالد ترامپتىڭ اكىمشىلىگى بەيجىڭدى ساۋدا جانە كوروناۆيرۋستىق پاندەمياعا قاتىستى بىرنەشە رەت ايىپتاعان، سونداي-اق جۇڭگو گونكونگقا قاۋىپسىزدىك تۋرالى داۋلى جاڭا زاڭ قابىلدادى.

ال، ترامپ قىتايدىڭ شىڭجاڭ پروۆينسياسىنداعى ەتنيكالىق قازاقتار مەن ۇيعىرلاردىڭ قىسىمعا ۇشىراۋىنا قاتىسى بار 50-گە جۋىق قىتايلىق كومپانياعا سانكسيا سالدى.