اتىراۋ وبلىسى ەركىندالا اۋىلىندا ءيتتى توڭازىتقىشتىڭ ەسىگىنە قىلقىندىرعان ەر ادامعا قاتىستى قايتادان قىلمىستىق ءىس قوزعالاتىن بولدى. بۇل تۋرالى زاڭگەر جانگەلدى سۇلەيمەنوۆ Facebook پاراقشاسىندا جازدى.
زاڭگەر "يتكە زيان كەلمەدى" دەپ ءىستىڭ توقتاتىلعانىنا قارسى بولىپ، 3 شىلدەدە باس پروكۋراتۋراعا شاعىمدانعان. قىلمىستىق ءىستى توقتاتپاي، ءىستىڭ ءمان-جايىن قايتا قاراۋدى سۇراعان.
– بۇگىن ءىستى توقتاتپاۋ جونىندە حات كەلدى. جاۋىز ەر ادامعا قاتىستى قىلمىستىق ءىس قايتا باستالدى. بۇل جولى ءتيىستى جازاسىن الادى دەپ ۇمىتتەنەمىن، – دەپ جازدى جانگەلدى سۇلەيمەنوۆ جەلىدەگى پاراقشاسىندا.
31 مامىر كۇنى اتىراۋ وبلىسى ەركىندالا اۋىلىنىڭ تۇرعىنى جۇماتايەۆ مارعۇلان ماس كۇيىندە ءيتتى توڭازىتقىشتىڭ ەسىگىنە قىلقىندىرعان بولاتىن.
