الماتىدا اۆتوبۋستا ماسكا رەجيمىن بۇزۋ جاعدايىنا بايلانىستى تۇسىنىكتەمە بەرىلدى. بۇل تۋرالى وڭىرلىك كوممۋنيكاسيالار قىزمەتىنىڭ بريفينگتى باراسىندا الماتى قالاسىنىڭ اۋەزوۆ اۋدانى اكىمىنىڭ ورىنباسارى داستان قايرات ۇلى حابارلادى.

قالا اكىمشىلىگى تاراپىنان ماسكا رەجيمىن ساقتاۋدى باقىلاۋعا ەرەكشە نازار اۋدارىلاتىنىن، سونىمەن بىرگە، قوعامدىق كولىكتەردەگى جاعدايعا كوڭىل بولىنەتىنىن ەسكە سالامىز، سەبەبى اۆتوبۋستاردىڭ جابىق بولۋى ەسەبىنەن تۇرعىنداردىڭ كوروناۆيرۋس ينفەكسياسىن جۇقتىرۋ ءقاۋپى دە ارتادى.

«ەكى كۇن بۇرىن ءبىز "وڭاي" باقىلاۋشىلارىنىڭ اۆتوبۋستان ماسكاسىز جولاۋشىنى ءتۇسىرىپ تاستاعانىنىڭ كۋاگەرى بولدىق. اۋداندا وسى تۇرعىدا مونيتورينگتىك توپتار ايالدامالار مەن قوعامدىق كولىكتەردە ماسكا رەجيمىن ساقتاۋدى باقىلاۋ جۇمىستارى جۇرگىزىلەدى»، - دەدى د.قايرات ۇلى، سونىمەن بىرگە، ول قالا تۇرعىندارىن قاۋىپسىزدىك شارالارىن ساقتاۋعا شاقىردى، سەبەبى وعان اينالاداعى ادامداردىڭ دەنساۋلىعى مەن ءومىرى بايلانىستى.

ەپيدەميولوگتاردىڭ اقپاراتىنا سايكەس، تۇرعىندارى كوروناۆيرۋس ينفەكسياسىن ۇنەمى ءوز بەتتەرىنشە انىقتاي بەرە المايدى. اۋرۋ بەلگىلەرىنسىز جۇقتىرعاندار ولارمەن بايلانىس جاساعانداردىڭ جۇقتىرۋىنا سەبەپكەر بولۋلارى مۇمكىن.

اۋەزوۆ اۋدانىندا حابارلاعانداي، اعىمداعى كەزەڭدە اۋداندىق پوليسيا باسقارماسىنىڭ قىزمەتكەرلەرىمەن ماسكا رەجيمىن بۇزعانى ءۇشىن 64 ادام اكىمشىلىك جاۋاپكەرشىلىككە تارتىلدى جانە حاتتامالار تولتىرىلدى. مونيتورينگتىك توپتار اتاپ كورسەتكەندەي، ادامدار كوپ جينالاتىن ورىنداردا، ماسەلەن سوسو اۋماعىندا، سايران كولىنىڭ اۋماعىندا بۇزۋشىلىقتار كوپ كەزدەسەدى.

سونىمەن بىرگە، اۋداندا تۇرعىندار اراسىندا كارانتين رەجيمىن ساقتاۋدى ءتۇسىندىرۋ جۇمىستارى جالعاسۋدا.