وڭىرلىك كوممۋنيكاسيالار قىزمەتىنىڭ ونلاين بريفينگى بارىسىندا الماتى قالاسى المالى اۋدانىنىڭ اكىمى بەكقالي تورعايەۆ اۋدان اۋماعىندا ورنالاسقان ءدارىحانالارداعى دارىلىك پرەپاراتتار باعاسى مەن دارىلىك قامتاماسىز ەتۋ جاعدايى باقىلاۋدا ەكەنىن ايتتى.
بريفينگكە سونىمەن بىرگە، الماتى قالاسى المالى اۋدانىنىڭ جەرگىلىكتى پوليسيا قىزمەتىنىڭ باسشىسى رۇستەم ابدىعالييەۆ ، الماتى قالاسى المالى اۋدانىنىڭ تاۋارلار مەن قىزمەتتەردىڭ ساپاسى مەن قاۋىپسىزدىگىن باقىلاۋ باسقارماسىنىڭ باسشىسى ساۋلە نۇرعالييەۆا قاتىستى.
المالى اۋدانى بويىنشا ءموبيلدى بريگادالار جۇمىس ىستەيدى. ولاردىڭ بىرەۋى ءدارىحانالارعا دارىلەردىڭ بار-جوعى مەن باعالارىنا مونيترورگ جاسايدى.
«كارانتيننىڭ ەكىنشى تولقىنى باستالعان كەزدە دارىلىك پرەپاراتتارعا دەگەن جەتىسپەۋشىلىك بايقالدى. الايدا بۇگىنگى تاڭدا اتالعان جاعداي تۇراقتاندىرىلدى. ءبىزدىڭ اۋداندا 22 ءدارىحانا مونيتورينگكە الىنادى»، — دەدى المالى اۋدانىنىڭ اكىمى.
23 اتاۋلى الەۋمەتتىك ماڭىزدى دارى-دارىمەك اۋدانداعى بەلگىلەنگەن 22 ءدارىحانادا بار. سونىمەن بىرگە، دارىلىك پرەپاراتتاردىڭ باعاسىن كوتەرگەن ءتارتىپبۇزۋشىلار شۇعىل انىقتالۋدا. باعانى قالىپتاستىرۋ ماسەلەسى مونيتورينگتىك بريگادالاردىڭ قاتاڭ باقىلاۋىندا، بۇزۋشىلارعا قاتىستى شارالار قابىلدانۋدا. بۇگىنگى تاڭدا 11 ءدارىحاناعا قاتىستى اكىمشىلىك شارالار قابىلدانعان.
«اۋداننىڭ كريمينالدىق پوليسيا ءبولىمىنىڭ قىزمەتكەرلەرىمەن دارىلىك پرەپاراتتاردى بەلگىلى ادامداردىڭ الىپ-ساتۋ فاكتىسى بويىنشا جەدەل اقپارات الىندى. اتالعان ازاماتتار تەرگەۋ توبىمەن ۇستالدى. زاڭسىز كاسىپكەرلىكتى جۇزەگە اسىرۋمەن اينالىسقان اتالعان ازاماتتارعا قاتىستى قىلمىستىق ءىس قوزعالدى»، — دەپ حابارلادى جەرگىلىكتى پوليسيا باسشىسى ر. ابدىعالييەۆ.
المالى اۋدانىنىڭ تۇرعىندارىن قالا ءدارىحانالارىنداعى سەرتيفيكاتتالعان دارىلىك پرەپاراتتاردى الۋعا شاقىرۋدا.
پىكىر قالدىرۋ