ساتبايەۆتا 5 جاسار قىز بالانى ۇرلادى جانە زورلادى دەگەن ايىپ تاعىلعان كۇدىكتىنى ەكى ايعا قاماۋ ءۇشىن سانكسيا تاعايىندادى، – دەپ حابارلادى وبلىستىق سوت.

قاماۋ مەرزىمى كۇدىكتى ۇستالعان 23 شىلدەدەن باستاپ ەسەپتەلەدى. 

سوت وتىرىسى كارانتينگە بايلانىستى بەينەبايلانىس ارقىلى ءوتتى. كۇدىكتىنىڭ ادۆوكاتى 62 جاستاعى ەر ادامدى قاماۋعا الماۋدى سۇرادى. قورعاۋشى كۇدىكتىنىڭ ءبىرقاتار سىرقاتىنىڭ بار ەكەنىن العا تارتتى. سونداي-اق ادۆوكات تۇرعىندار تاراپىنان ءقاۋىپتىڭ بولاتىنىن ەسكەرۋدى سۇراپ، ونى بوستاندىققا شىعارسا كۇزەت قاجەت ەكەنىن ايتتى. دەگەنمەن سۋديا كۇدىكتىنى قاماۋعا الۋ جونىندە شەشىم شىعاردى. 

23 شىلدەدە ساتبايەۆتا ءۇي اۋلاسىندا ويناپ جۇرگەن 5 جاسار قىز بالا جوعالىپ، كوپقاباتتى تۇرعىن ۇيدەگى پاتەرلەردىڭ بىرىنەن تابىلعان بولاتىن. بالانى ۇرلاعان كۇدىكتىنى تۇرعىندار زاڭمەن ەمەس، ءوز قولدارىمەن جازالاماق بولىپ، پوليسيادان ونى بەرۋدى تالاپ ەتتى. پوليسياعا جاپپاي تارتىپسىزدىككە ۇلاسۋدىڭ الدىن الۋ ءۇشىن تارقاماي تۇرعان نارازى توپتى سابىرعا شاقىرۋعا، قاۋىپسىزدىك شارالارىن قابىلداۋعا تۋرا كەلدى.