بۇگىن ۇكىمەتتىڭ كەزەكتى وتىرىسىندا ەلدەگى ەپيدەميولوگيالىق جاعداي جانە كوروناۆيرۋس ينفەكسياسىنا قارسى كۇرەس شارالارى قارالدى.

دەنساۋلىق ساقتاۋ ءمينيسترى الەكسەي سوي كارانتيندىك شەكتەۋ شارالارى ەنگىزىلگەننەن باستاپ 3 اپتا ىشىندە كۆي-عا شالدىعۋدىڭ 35 951 جاڭا جاعدايى تىركەلگەنىن مالىمدەدى. ىندەتتىڭ تارالۋى 29%-عا تومەندەگەن.

– COVID-19-بەن اۋىرۋ جاعدايى ورتا ەسەپپەن تاۋلىگىنە 1600 ادام دەڭگەيىندە تۇراقتاندى. سونداي-اق كەرەۋەتتەردىڭ بوس بولماۋى 43%-عا، ونىڭ ىشىندە 27%-عا تومەندەۋى بايقالادى. ساۋىعىپ كەتكەندەردىڭ سانى 63%-عا دەيىن ءوستى. وسىلايشا، دەنساۋلىق ساقتاۋ جۇيەسىنە جۇكتەمەنىڭ نەگىزگى كورسەتكىشتەرىنىڭ تومەندەۋىنە قول جەتكىزىلدى، –  دەدى ا. سوي. 

ونىڭ سوزىنشە، كارانتين ناتيجەسىندە ينفەكسيانىڭ رەپرودۋكتيۆتىك كورسەتكىشى 1،2%-دان 0،99%-عا دەيىن، توسەك-ورىنداردىڭ قامتىلۋ پايىزى 90%-دان 47%-عا دەيىن تومەندەگەن.

ەپيدەميولوگيالىق احۋالدىڭ جاقسارىپ كەلە جاتقانىنا بايلانىستى كارانتين شارالارى كەزەڭ-كەزەڭمەن الىنادى.

دەسە دە ءالى قەڭسەلەردىە قىزمەتكەرلەردىڭ 80 پايىزى قاشىقتان جۇمىس ىستەۋى كەرەك، وقۋشىلار مەن ستۋدەنتتەر قاشىقتىقتان وقيدى.

بۇقارالىق ءىس-شارالاردىڭ بارلىق تۇرلەرىنە تىيىم سالۋ.

سونداي-اق 3 تامىزدان باستاپ توسەك-ورىنداردىڭ قامتىلۋ كورسەتكىشى 70%-دان از جانە ءولىم-جىتىم دەڭگەيى تومەندەگەن كەزدە كۇشەيتىلگەن سانيتارلىق-دەزينفەكسيالىق رەجيمدى، ماسكا تاعۋ جانە الەۋمەتتىك ارا قاشىقتىقتى ساقتاي وتىرىپ كەيبىر نىسانداردىڭ جۇمىسىنا رۇحسات ەتىلەدى.

• ۋاقىتى مەن كۇندەر بويىنشا شەكتەۋلەرمەن ساۋدا-ويىن-ساۋىق ورتالىقتارى، ساۋدا ۇيلەرى، ساۋدا جەلىلەرى، جابىق ازىق-تۇلىك، ازىق-تۇلىكتىك ەمەس بازارلار؛

• بالالارعا ارنالعان تۇزەتۋ كابينەتتەرى، ءبىلىم بەرۋ ورتالىقتارى، بالالاردى دامىتۋ ورتالىقتارى، توپتاردا 5 ادامنان اسپايتىن ۇيىرمەلەر؛

• كەزەكشى توپتار رەجيمىندەگى مەكتەپكە دەيىنگى بالالار مەكەمەلەرى؛

• سۇلۋلىق سالوندارى، شاشتارازدار، كوسمەتيكالىق جانە كوسمەتولوگيالىق قىزمەت كورسەتەتىن ورتالىقتار مەن سالوندار، الدىن الا جازىلۋ بويىنشا مانيكيۋر جانە پەديكيۋر سالوندارى؛

• قاشىقتىقتان جۇمىس ىستەۋ فورماسى مەملەكەتتىك ورگانداردىڭ (ۇيىمداردىڭ) قىزمەتكەرلەرى مەن كەڭسە قىزمەتكەرلەرىنىڭ كەمىندە 80%-ى ءۇشىن ساقتالۋى ءتيىس.

دەنساۋلىق ساقتاۋ ءمينيسترى الەۋمەتتىك قاشىقتىقتى ساقتاي وتىرىپ، اشىق اۋادا جەكە جانە توپتىق جاتتىعۋلار جاساۋعا رۇقسات ەتىلەتىنىن اتاپ ءوتتى.

سونداي-اق ۇلتتىق قۇرامالار ءۇشىن 30 ادامنان اسپايتىن قۇراممەن سپورتتىق جاتتىعۋلار جاساۋعا بولادى.

حالىقتىڭ ءجۇرىپ-تۇرۋىنا قاتىستى مىناداي تالاپتار ساقتالادى:

• كوشەلەردە ءجۇرۋ، ساياباقتارعا، سكۆەرلەرگە جانە جاعالاۋلارعا بارۋ 3 ادامنان اسپاۋعا ءتيىس؛

• قوعامدىق كولىكتە ماسكا تاعۋ مىندەتتى، سانيتارلىق-دەزينفەكسيالىق رەجيم ساقتالىپ، كوندۋكتورلار بولۋى كەرەك. ۋاقىت بويىنشا شەكتەۋلەردى ساقتاي وتىرىپ جانە جولاۋشىلاردى 50%-دان اسىرماي جۇمىس ىستەۋىنە رۇقسات.

سونىمەن قاتار تومەندەگى قىزمەت تۇرلەرىنە شەكتەۋ ساقتالادى:

• كوپشىلىكتىڭ قاتىسۋىمەن وتەتىن ءىس-شارالاردىڭ بارلىق تۇرلەرىنە، ويىن-ساۋىق مەكەمەلەرىنىڭ، كينوتەاترلاردىڭ، فۋدكورتتاردىڭ، بانكەت زالدارىنىڭ جۇمىسىنا؛

• مەيرامحانالار، بارلار، تۇنگى جانە ويىن كلۋبتارىنىڭ جۇمىسىنا؛

• مادەنيەت نىساندارىنىڭ، مۋزەيلەردىڭ جۇمىسىنا، كونفەرەنسيالار، كورمەلەر، فورۋمدار وتكىزۋگە؛

• سپورت زالدارىنىڭ، فيتنەس-ورتالىقتاردىڭ، باسسەيندەردىڭ، اكۆاپارك جاعاجايلارىنىڭ جۇمىسىنا؛

• ءدىني نىساندار جۇمىسىنا؛

• قالا ماڭىنداعى جولاۋشىلار پويىزدارىنىڭ  قوزعالىسىنا، قالاارالىق اۆتوبۋستاردىڭ قوزعالىسىنا