25 شىلدەدە ماڭعىستاۋ وبلىسى قاراقيا اۋدانىنىڭ تۇرعىنى كارانتين كەزىندە اۋلاسىندا توي جاساعان. بۇل تۋرالى Polisia.kz حابارلادى.
پورتالدىڭ حابارلاۋىنشا، تويعا 100-دەن اسا ادام جينالعان. ال ايماقتىڭ باس سانيتار دارىگەرى ادام كوپ جينالاتىندىقتان، مۇنداي شارالاردىڭ وتىلۋىنە تىيىم سالعان.
كارانتين تالاپتارىن بۇزعانى ءۇشىن توي يەسىنە قازاقستاننىڭ اكىمشىلىك قۇقىق بۇزۋشىلىقتار تۋرالى كودەكستىڭ 462-بابى، 3-بولىگى بويىنشا اكىمشىلىك حاتتاما تولتىرىلدى. ماتەريالدار ءىس جۇرگىزۋ شەشىمىن قابىلداۋ ءۇشىن اۋداندىق سوتقا جىبەرىلدى.
ماڭعىستاۋ وبلىسىنىڭ پوليسيا وكىلدەرى تۇرعىنداردان كارانتين ەرەجەلەرىن ساقتاپ، قورعانۋ قۇرالدارىن قولدانۋدى سۇرايدى.
