كارانتيننىڭ تاعى ەكى اپتاعا ۇزارتىلۋىنا بايلانىستى تامىز ايىندا قازاقستاندىقتارعا 42 500 تەڭگە بەرىلۋى مۇمكىن بە؟ بۇل سۇراققا ورتالىق كوممۋنيكاسيالار قىزمەتىندە وتكەن باسپا ءسوز ءماسليحاتىندا ۇلتتىق ەكونوميكا ءمينيسترى رۋسلان دالەنوۆ جاۋاپ بەردى، دەپ حابارلادى قازاقپارات.

– وزدەرىڭىز بىلەتىندەي، مەملەكەتتىك كوميسسياعا كارانتين مەرزىمىن ۇزارتۋ ماسەلەسىن قاراۋ تۋرالى تاپسىرما جۇكتەلگەن بولاتىن. تاياۋدا وتەتىن مەملەكەتتىك كوميسسيانىڭ وتىرىسىندا ءبىرقاتار مىندەت قارالىپ، ونىڭ ىشىندە حالىق پەن ەكونوميكانى قولداۋ ماسەلەسى دە پىسىقتالادى. بۇل ماسەلە سول سەبەپتى مەملەكەتتىك كوميسسيانىڭ وتىرىسىنان كەيىن بەلگىلى بولادى، – دەدى رۋسلان دالەنوۆ.

شىلدە ايىندا 42 500 تەڭگە مولشەرىندە ءبىرجولعى تولەم تاعايىنداۋعا ازاماتتاردان 2،2 ملن-نان استام بىرەگەي ءوتىنىش قابىلدانعان. تولەم 2 ملن ادامعا تاعايىندالدى. اقشالاي قاراجات 1 ملن 981 مىڭ قازاقستاندىققا اۋدارىلعان.