قازاقستاندا التىننان جاسالعان زەرگەرلىك بۇيىمدار باعاسى 9،5%-عا قىمباتتادى، دەپ حابارلادى energyprom.kz. 

ماۋسىم ايىندا زەرگەرلىك بۇيىمدار ءوندىرىسى 62،6 ملن تەڭگەنى قۇرادى. ال مامىر ايىندا بۇل كورسەتكىش 55،5 ملن تەڭگە بولدى.

2020 جىلدىڭ ءبىرىنشى جارتىجىلدىعىندا قازاقستاندا زەرگەرلەرلىك بۇيىمدار ءوندىرىسىنىڭ كولەمى 434،7 ملن تەڭگەنى قۇرادى (ناقتى ءوسىم ءبىر جىلدا 32،1%). وتكەن جىلى جالپى ءوندىرىس كولەمى 742 ملن تەڭگەدەن اسقان بولاتىن.

2020 جىلعى ماۋسىم ايىندا ەلدىڭ ءىرى قالالارى مەن مەگاپوليستەرىندەگى التىننان جاسالعان زەرگەرلىك بۇيىمداردىڭ ورتاشا باعاسى ءبىر گرامم ءۇشىن 18،3 مىڭ تەڭگەنى قۇرادى. بۇل ءبىر جىل بۇرىنعىعا قاراعاندا 9،5% كوپ.

سارى مەتالدان جاسالعان ەڭ قىمبات زەرگەرلىك بۇيىمدار نۇر-سۇلتان، اقتاۋ مەن اتىراۋ قالالارىندا.