الماتى پوليسياسى: مىڭنان استام ادامعا كارانتين نورمالارىن ساقتاماعانى ءۇشىن ايىپپۇل سالىندى. بۇل تۋرالى قالا اكىمدىگىنىڭ باسپا ءسوز قىزمەتى حابارلادى.

ازاماتتاردىڭ سانيتارلىق-ەپيدەميولوگيالىق سالاۋاتتىلىعى سالاسىنداعى زاڭنامانىڭ، سونداي-اق گيگيەنا ستاندارتتارىنىڭ ساقتالۋىن باقىلاۋ ماقساتىندا الماتى قالاسىندا اكىمدىك، سەس جانە پوليسيا قىزمەتكەرلەرىنىڭ اراسىنان ارنايى مونيتورينگتىك توپتار قۇرىلدى. 5 شىلدەدەن باستاپ ق ر اقبك-نىڭ 425-بابىنا سايكەس اكىمشىلىك جاۋاپكەرشىلىككە 1 مىڭ 022 ادام تارتىلدى، ولاردىڭ 90-ى وتكەن كۇنى انىقتالدى.

«ازاماتتاردىڭ كوپ كەلەتىن ورىندارى، قىزمەت كورسەتۋ، تاماقتانۋ ورىندارى جانە ت. ب. ۇنەمى تەكسەرىلىپ وتىرادى. سونىمەن قاتار، سانيتارلىق دارىگەردىڭ تالاپتارىنا سايكەس كەلمەيتىن ماسساج، سۇلۋلىق سالوندارى، بارلار، مەيرامحانالاردى انىقتاۋ بويىنشا جەدەل بولىمشەلەر جۇمىس ىستەيدى. ارنايى رەيدتەر بارلىق جەردە جانە تۇراقتى نەگىزدە جۇرگىزىلىپ وتىرادى»، — دەدى، الماتى قالالىق پد جەرگىلىكتى پوليسيا قىزمەتى باسقارماسىنىڭ باستىعى، پوليسيا پولكوۆنيگى ماناپ ساتتاروۆ.